January 28, 2022

Սերժ Սարգսյանը Կարմիր հրապարակում ծաղկեպսակ է դրել մարշալ Հովհաննես Բաղրամյանի գերեզմանին

Աշխատանքային այցով Մոսկվայում գտնվող նախագահ Սերժ Սարգսյանն այսօր Կարմիր հրապարակում ծաղկեպսակ է դրել մարշալ Հովհաննես Բաղրամյանի գերեզմանին: ՀՀ նախագահի անունից ծաղկեպսակներ են դրվել նաեւ զրահատանկային զորքերի մարշալ Համազասպ Բաբաջանյանի, ավիացիայի մարշալ Խուդյակով-Խամփերյանցի եւ ծովակալ Իսակովի հուշարձաններին:

Այնուհետեւ ՌԴ նախագահի մերձմոսկովյան Գորկի նստավայրի ընդունելությունների տանը տեղի է ունեցել Հավաքական անվտանգության պայմանագրի կազմակերպության անդամ երկրների ղեկավարների ոչ պաշտոնական հանդիպումը:

Հանդիպմանը մասնակցել են Հայաստանի, Բելառուսի, Ղազախստանի, Ռուսաստանի նախագահները, Ուզբեկստանի վարչապետը և ՀԱՊԿ գլխավոր քարտուղար Նիկոլայ Բորդյուժան:

ՌԴ նախագահ Դմիտրի Մեդվեդևի առաջարկությամբ քննարկվել են միջազգային օրակարգի հրատապ հարցերը: Մասնավորապես` անդրադարձ է եղել ՀԱՊԿ գործողության տարածքում առկա խնդիրներին` կանգ առնելով Ղրղզստանում իշխանափոխությունից հետո ստեղծված իրավիճակի վրա:

ՌԴ նախագահ Դմիտրի Մեդվեդևը ՀԱՊԿ անդամ երկրների իր գործընկերներին որոշակի մանրամասներ է ներկայացրել ապրիլի 8-ին ԱՄՆ նախագահ Բարաք Օբամայի հետ կնքած` Ռազմավարական սպառազինությունների մասին նոր պայմանագրի վերաբերյալ:

news.am

Be the first to comment

Leave a Reply

Your email address will not be published.


*


4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4