Եվրոպայի Հայերի Համագումարը իր խոր ցավակցությունն է հայտնում լեգենդար զինվորական, Արցախի հերոս եւ մեծ հայրենասեր գեներալ-մայոր Արկադի Տեր Թադեւոսյանի (Կոմանդոսի) ընտանիքին եւ համայն հայությանը:
Գեներալ-մայոր Արկադի Տեր Թադեւոսյանը իր զինվորականի վաստակը եւ համբավը ստացել էր իր զինվորական մեծ տաղանդի, պրոֆեսիոնալիզմի եւ հայրենիքին անմնացորդ ծառայելու եւ հայ ժողովրդին հաղթանակներ պարգեւելու շնորհիվ:
Թող, որ մեր բոլոր զինվորականների համար օրինակ լինի Կոմանդոսի աննկուն կամքը, նրա անցած ճանապարհը եւ հայրենիքին ու հայրենի պետականությանը ծառայելու պատրաստակամությունը:
Նվիրյալ զինվորականի եւ իսկական հայրենասերի անցած հաղթական ուղու մասին դեռ շատ է հիշատակվելու:
Եվրոպայի Հայերի Համագումար
31 մարտ 2021
Leave a Reply