April 19, 2021

ԲԱՑԱՀԱՅՏՈՒՄ

Դաշնակցական նորաթուխ ղեկավար Իշխան Սաղաթելյանը մի տեսանյութում ասում է. «Սրիկաների կառավարությունը նոր փաստաթղթեր է ստորագրելու թշնամու հետ»:

Տեսնենք ժամանակի դաշնակցական «ոչ սրիկա» կառավարությունը ինչ պայմանագրեր է ստորագրել թշնամու հետ:

Դաշնակցության կառավարության վերջին վարչապետ Սիմոն Վրացյանը, որ 100 տարի առաջ հենց փետրվարին կազմել էր այսպես կոչված «Փրկության կոմիտե» գրում է.
«Մենք աշխատում էինք ամեն կերպ ցույց տալ մեր բարեկամությունը թուրքերին և նրանց ներշնչել հավատ դեպի մեզ: Նույնիսկ դիմեցինք թուրքերին` խնդրելով զինվորական օգնություն… Այդ նպատակով հատուկ սպա ուղարկեցինք Իգդիր` թուրքական հրամանատարության մոտ»:

 Պարզ է, թե ո’ր սրիկա կառավարությունն է  թուրքերից բարեկամություն եւ օգնություն խնդրում, այն էլ ոչ թե մարդասիրական, այլ զինվորական:

Ս. Վրացյանը մի այլ տեղ գրում է. « Ճակատագրի ի՜նչ հեգնանք. 1918թ. հունիս 4–ին, Բաթումի դաշնագրով Թուրքիան եղավ առաջին պետությունը, որ ճանաչեց Հայաստանի անկախությունը: Այժմ Հայաստանը առաջին պետությունն էր, որ ճանաչում էր քեմալական Թուրքիայի անկախությունը»:

Սա էլ դաշնակցության կառավարության եւ թուրքական կառավարության դառը սիրախաղերից մեկը: Էլ չենք խոսում Երիտթուրքերի հետ նրանց սրտագին սիրախաղերի մասին:

Դաշնակցական կառավարությունը թուրքերի հետ կնքեց Ալեքսանդրապոլի խայտառակ դաշնագիրը, որի հետեւանքով բազմաթիվ այլ ստորացուցիչ կետերի կողքին Հայաստանը կորցնում էր նաեւ ավելի քան 30 000  քառ. կիլոմետր տարածք, Հայաստանը զինաթափվում էր եւ զրկվում բանակ ունենալու իրավունքից: Դաշնակցական կառավարությունը հրաժարվում էր նաեւ Սեւրի պայմանագրից եւ ուրանալով հաստատում, որ «Օսմանյան սահմանին մեջ  հայ մեծամասնություն ունեցող որեւէ հողամաս չկա»:

Ամեն ինչ ասված է:

ԵՀՀ մամլո գրասենյակ  16 փետրվար 2021

Be the first to comment

Leave a Reply

Your email address will not be published.


*


4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4