September 21, 2020

Ցավակցական

Օգոստոսի 27–ին Թեհրանում կարճատեւ հիվանդությունից հետո 90 տարեկան հասակում Մահացել է Իրանահայ ազգային–հասարակական գործիչ, բարերար Լեւոն Ահարոնյանը:

Լեոն Ահարոնյանը պատկանում էր նաեւ այն հայ գործարարների շարքին, ովքեր ջանք չխնայեցին Հայաստանին ներդրումային, մշակութային եւ բարեգործական անմնացորդ աջակցություն ցուցաբերելու գործում:

 Հայաստան–Իրան համակողմանի կապերի ամրապնդման գործում  նա ունեցավ իր ծանրակշիռ դերակատարությունը:

Լեոն Ահարոնյանը ծնվել էր 1930 թվականին հայկական պատմական Սալմաստ գավառի Հաֆթվան գյուղում, Սովորել էր Թեհրանի ճարտարագիտական համալսարանում, ապա  Նիդերլանդներում գյուղատնտեսության համալսարանում մասնագիտացել որպես գյուղատնտես:

Լեոն Ահարոնյանը 1980–ական թվականներից երկար տարիներ եղել է Թեհրանի Թեմական Խորհրդի ատենապետ: Այդ պաշտոնում ցուցաբերելով հավասարակշռված մոտեցում, միակողմանի քաղաքականությունից խուսափելով՝  կարողացել է համայնքի ներքին կյանքում ապահովել որոշակի անդորր եւ խաղաղություն:

Եվրոպայի հայերի համագումարը իր խորին ցավակցությունն է հայտնում հանգուցյալի ընտանիքին, հարազատներին եւ բոլոր նրանց, որոնց համար հանուն հայության եւ հայրենիքի՝ անշահախնդիր աշխատանքը բարձր է գնահատվում:

Եվրոպայի Հայերի Համագումար

28 օգոստոս 2020

Be the first to comment

Leave a Reply

Your email address will not be published.


*


4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4