Առողջապահության նախարարությունը տեսանյութով ներկայացրել է, թե ի՞նչ է կորոնավիրուսը և ինչպե՞ս պետք է պաշտպանվել: Նշվում է, որ կորոնավիրուսն առաջացնում է սովորական հարբուխից մինչև ծանր հիվանդություններ, օրինակ՝ Մերձավոր Արևելքի շնչառական համախտանիշ, ծանր սուր շնչառական համախտանիշ: Այժմ հայտնաբերված վիրուսը կորոնավիրուսի նոր ենթատեսակ է: Կորոնավիրուսից խուսափելու համար պետք է՝
- խուսափել հարբուխով կամ գրիպանման հիվանդություններով անձանց հետ շփումից.
- հաճախակի լվանալ ձեռքերն օճառով և ջրով կամ մաքրել ալկոհոլային հիմքով ախտահանիչով.
- հազալիս կամ փռշտալիս փակել փակել բերանը և քիթը անձեռոցիկով.
- գրիպանման երևույթների առկայության դեպքում դիմել բժշկի.
- չզբաղվել ինքնաբուժությամբ.
- միջազգային ուղևորություններ ծրագրելիս՝ հաշվի առնել տվյալ երկրի համաճարակային իրավիճակը:
Leave a Reply