September 21, 2020

Հաշված ժամեր անց ուղևորների առաջ կբացվեն Հալեպի միջազգային օդանավակայանի դռները

Ընդամենը հաշված ժամեր անց Հալեպի միջազգային օդանավակայանը կվերսկսի ավիափոխադրումները, որ դադարեցվել էին ավելի քան ութ տարի առաջ՝ անվտանգության նկատառումներից ելնելով:

Հալեպում կատարյալ ցնծություն է. մարդիկ այսօր քաղաքի գլխավոր հրապարակում տոն են կազմակերպել և շնորհավորել միմյանց՝ ահաբեկիչների նկատմամբ սիրիական բանակի տարած հաղթանակի առիթով:

Օդանավակայանի տնօրեն Մուհամմադ Ալ-Մասրին SANA-ի թղթակցին ասել է, որ կառույցում իրականացվել են անհրաժեշտ տեխնիկական աշխատանքներ, իսկ թռիչքուղին լիովին վերանորոգվել է: Ալ-Մասրին գոհունակությամբ է ընդգծել ողջ անձնակազմի նվիրման մասին, որովհետև բոլորն են ջանասիրաբար աշխատել օդանավակայանը շահագործման հանձնելու համար:

SANA-ի թղթակիցը շրջել է օդանավակայանով, ուղևորների ժամանման և մեկնումի սրահներով, և ահա թե նրա տեսախցիկն ինչ է ֆիքսել:

lurer.am

Be the first to comment

Leave a Reply

Your email address will not be published.


*


4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4