February 24, 2020

Ադրբեջանում ընտրությունն ուղեկցվել է խախտումներով ու սպանությամբ

Փետրվարի 9-ին Ադրբեջանում տեղի ունեցած արտահերթ խորհրդարանական ընտրությունները տեղի են ունեցել խայտառակ ընտրակեղծիքներով ու նույնիսկ այդ երկրի համար անսովոր միջադեպով՝ սպանությամբ:

Երկրի 101-րդ ընտրատարածքում պատգամավորի թեկնածու առաջադրված Մովսում Ասլանովի վստահված անձը՝ փաստաբան Սուբհան Հաջիևը, ըստ ադբեջանական ընդդիմության, սպանվել է իշխող «Յենի Ազերբայջան» կուսակցության թեկնածու Էլշադ Միրբաշիրի մարդկանց կողմից:

Ադրբեջանի գլխավոր դատախազությունը հերքում է այս լուրը՝ նշելով, որ Հաջիևը հանկարծամահ է եղել բոլորի աչքի առաջ, դատաբժշկական փորձաքննության արդյունքում էլ բռնության հետքեր չեն հայտնաբերվել: Ընդդիմադիրները, սակայն, հակառակն են պնդում։

Ի դեպ, հին իշխող ուժը՝ «Յենի Ազերբայջանը», նոր խորհրդարանում կունենա 69 տեղ: Այսինքն՝ մեծամասնություն: Ընդ որում, հներից շատերը պահպանել են իրենց աթոռը: Նշենք նաև, որ ԱՊՀ դիտորդական խումբը ընտրություններն ազատ-արդար է որակել, իսկ ԵԱՀԿ-ն իր նախնական հայտարարությունն է տարածել այն մասին, որ ընտրությունները մրցակցային չեն եղել: 

«Օրբելի» կենտրոնի փորձագետ Տարոն Հովհաննիսյանն այս առիթով նկատել է, որ արտահերթ խորհրդարանական ընտրություններ անցկացնելու՝ Ալիևի ձգտումն ամբողջովին իմաստազրկվել է: Հեղինակ`Սոնա Աղբալյան

1lurer.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4