November 21, 2019

Արմեն Մելիքյանը՝ աշխարհի երիտասարդական չեմպիոն

Հունգարիայի մայրաքաղաք Բուդապեշտում ընթանում է հունահռոմեական ոճի ըմբշամարտի աշխարհի մինչև 23 տարեկանների առաջնությունը։

60 կգ քաշային կարգում Հայաստանի ներկայացուցիչ Արմեն Մելիքյանը եզրափակիչում առավելության է հասել Ղրղզստանի ներկայացուցիչ Ժոլաման Շարշենբեկովի նկատմամբ և դարձել աշխարհի երիտասարդական չեմպիոն։

Գոտեմարտի գրեթե ամբողջ ընթացքում Մելիքյանը վնասվածքով է եղել և հաճախ նրան օգնություն են ցուցաբերել։ Չնայած վնասվածքին՝ հայ ըմբիշը կարողացել է հաղթել մրցակցին։

1lurer.am

ԱԱ Մ23․ Արմեն Մելիքյանը՝ չեմպիոն (ֆոտո)

Հունգարիայում ավարտվող հունահռոմեական ըմբշամարտի աշխարհի մինչեւ 23 տարեկանների առաջնությունում Հայաստանի ներկայացուցիչ Արմեն Մելիքյանը 60 կգ քաշայինների պայքարում նվաճեց ոսկե մեդալ:

Եզրափակիչում հայ ըմբիշը մրցեց Ղրղզստանի ներկայացուցիչ Ժոլման Շարշենբեկովի հետ եւ հաղթեց 9:7 հաշվով:

Եզրափակիչ գոտեմարտն անցավ լարված պայքարում: Ղրղզստանի ներկայացուցիչի կոպիտ գոտեմարտելու հետեւանքով Արմեն Մելիքյանը առաջին մրցափուլում վնասվածք ստացավ քթի հատվածում, ինչի հետեւանքով ամբողջ գոտեմարտի ընթացքում արնահոսում էր:

Գորգի մրցավարը ստիպված եղավ մի քանի անգամ կանգնեցնել գոտեմարտը բժիշկների միջամտության համար, քանի որ Մելիքյանը չէր կարողանում վնասվածքով մրցել: Առաջին մրցափուլում 5:5 հաշվից հետո Մելիքյանը զարգացրեց մարտավարությունը երկրորդում եւ 4 միավորով առաջ անցավ հաշվի մեջ: Պայքարն ավարտվեց 9:7 հաշվով՝ հայ ըմբիշի վստահ հաղթանակով:

Ի դեպ, աշխարհի Մ23 նորընծա չեմպիոնը երզափակիչում գոտեմարտեց վիրակապով. կիսաեզրափակիչում Մելիքյանը ճակատային հատվածում վնասվածք էր ստացել:

Հայ ըմբիշը պայքարը սկսել էր 1/8 եզրափակիչից եւ 8:0 հաշվով վստահ հաղթանակ տարել Բուլղարիան ներկայացնող Մարտին Վելեւի նկատմամբ՝ 8։0: Քառորդ եզրափակիչում Արմեն Մելիքյանը 4։0 հաշվով հաղթել էր իրանցի Մեհդի Մոհսենին եւ դուրս եկել կիսաեզրափակիչ: Կիսաեզրափակիչում հայ ըմբիշը 5:0 հաշվեվ հաղթել էր Հունգարիայի ներկայացուցիչ Կրիստիան Կեչսկեմետիին:

NEWS.am SPORT

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4