October 14, 2019

Թուրքիայի ռազմական ներխուժումը Սիրիա առավել վտանգավոր է, քանի որ նշանառության տակ են հայաշատ բնակավայրերը. Կոմկուս

Հայաստանի Կոմունիստական կուսակցությունը խստորեն դատապարտում է  Սիրիայի հյուսիսարեւելքում Թուրքիայի կողմից իրականացվող հերթական ռազմական ներխուժումը։

ՀԿԿ տարածած հայտարարությունում ասվում է.

«Այդ ներխուժման արդյունքում էլ ավելի կվատթարանա իրավիճակը ամբողջ տարածաշրջանում, սպառնալով խաղաղ բնակչության ֆիզիկական գոյությանը։ Թուրքիայի ռազմական ներխուժումը մտահոգիչ եւ առավել վտանգավոր է, քանի որ նշանառության տակ են վերցված առավելապես հայաշատ բնակավայրերը։

Առաջադեմ հասարակությունը՝ ի դեմս ԱՄՆ-ի եւ Եվրոպայի, ինչպես  1915-ին, այնպես էլ հիմա չեն ցանկանում տեսնել, թե ինչ է կատարվում իրենց թողտվությամբ։ Թուրքիան նույնն է, այն չի փոխվում, նա ժառանգն է ծավալապաշտական Օսմանյան կայսրության, որի նպատակն է ամեն գնով իրագործել պանթուրքիզմի իրենց ծրագիրը, ինչի ականատեսն ենք մենք հիմա։

Կոչ ենք անում միջազգային հանրությանը ներդնել տիտանական ջանքեր եւ օգտագործել իրենց ողջ պոտենցիալը այս վայրագությունները կանխելու, ռազմական ներթափանցումը դադարեցնելու եւ Սիրիայի բնակչությանը պաշտպանելու ուղղությամբ։ Մենք աջակցում ենք Սիրիայի օրինական իշխանությանը եւ նրա բարեկամ ժողովրդին, կոչ ենք անում զերծ մնալ նրա ժողովրդի դեմ ռազմական ոտնձգություններից»:

news.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4