November 20, 2019

Եվրո-2020․ Հայաստանի հավաքականի հաղթանակն Աթենքում՝ 3։2 (ֆոտո, վիդեո)

Ֆուտբոլի Հայաստանի ազգային հավաքականը Եվրոպայի առաջնության ընտրական մրցաշարի J խմբի չորրորդ տուրի խաղում հյուրընկալվելիս Աթենքում մրցեց Հունաստանի հավաքականի հետ եւ առավելության հասավ 3։2 հաշվով։ 

Առաջին խաղակեսից հետո Հայաստանի հավաքականն արդեն հաղթում էր 2։0 հաշվով։ Արդեն 8-րդ րոպեին Տիգրան Բարսեղյանի փոխանցումից հետո անչափ բարդ հարված կատարեց Ալեքսանդր Կարապետյանը եւ սուր անկյունից գրավեց մրցակցի դարպասը։

33-րդ րոպեին Կամո Հովհհանիսյանի փոխանցումից հետո Գեւորգ Ղազարյանը խփեց Արմեն Գյուլբուդաղյանցի գլխավորած թիմի երկրորդ գոլը։

Ընդմիջումից հետո կիսապաշտպան Զեկայի հեռվից կատարած հարվածի շնորհիվ դաշտի տերերը կարողացան 54-րդ րոպեին կրճատել հաշվի տարբերությունը։ Գոլից հետո հույները տիրեցին տարածքային եւ խաղային առավելությանը։ Հայաստանի թիմը դիմում էր հակագրոհների՝ դրանցից մեկի ժամանակ խփելով երրորդ գոլը։

74 -րդ րոպեին գերազանց անցում եւ փոխանցում Տիգրան Բարսեղյանին կատարեց Հենրիխ Մխիթարյանը։ Բարսեղյանը երկու փորձից գրավեց դարպասը։ Առաջին հարվածից հետո գնդակն ուղղահայաց դարպասաձողից դարձյալ հայտնվեց Բարսեղյանի մոտ, որը երկրորդ հարվածը հստակ կատարեց։ 

87-րդ րոպեին Կոստաս Ֆորտունիսը շրջանցեց Հայաստանի հավաքականի չորս խաղացողների եւ գրավեց Արամ Հայրապետյանի պաշտպանած դարպասը։

Հայաստանի հավաքականը կարողացավ մնացած ժամանակում պահպանել հաղթական հաշիվը եւ 6 միավորով բարձրանալ երրորդ տեղ՝ շրջանցելով Հունաստանին եւ Բոսնիա-Հերցեգովինային, որոնք ունեն 4-ական միավոր։

Նույն խմբում Իտալիայի հավաքականն ընդունեց Բոսնիա-Հերցեգովինայի թիմին, հաղթեց 2։1 հաշվով եւ 12 միավորով գլխավորում է մրցաշարային աղյուսակը։

Ֆինլանդիայի հավաքականը հյուրընկալվելիս 2։0 հաշվով հաղթեց Լիխտենշտեյնի թիմին եւ 9 միավորով երկրորդ տեղում է։

Եվրո-2020, ընտրական փուլ, չորրորդ տուր, J խումբ

Զեկա, 54, Կոստաս Ֆորտունիս, 87 – Ալեքսանդր Կարապետյան, 8, Գեւորգ Ղազարյան, 33, Տիգրան Բարսեղյան, 74

Հայաստան․ Արամ Հայրապետյան, Վարազդատ Հարոյան, Հայկ Իշխանյան, Հովհաննես Համբարձումյան,  Արտակ Գրիգորյան, Կամո Հովհաննիսյան, Կառլեն Մկրտչյան (Ռումյան Հովսեփյան, 55), Հենրիխ Մխիթարյան, Գեւորգ Ղազարյան (Պետրոս Ավետիսյան, 83), Տիգրան Բարսեղյան, Ալեքսանդր Կարապետյան (Էդգար Բաբայան, 71)։

Լորենցո Ինսինյե, 49, Մարկո Վերատի, 86 – Էդին Ջեկո, 32

news.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4