September 19, 2019

«Ինձ, մեր կառավարությանը, ժողովրդի իշխանությանը խամաճիկային դատարան պետք չէ»․ Փաշինյան

«Ինձ, մեր կառավարությանը, ժողովրդի իշխանությանը խամաճիկային դատարան պետք չէ», – այսօր ֆեյսբուքյան ուղիղ հեռարձակմամբ հայտարարեց վարչապետ Նիկոլ Փաշինյանն՝ ընդգծելով՝ ոչ մի բան հետ չի պահի Հայաստանն իրոք ազատ, ժողովրդավարական, իրավական պետություն դարձնելու ճանապարհից։

Վարչապետը հայտարարեց՝ վաղը 8։30-ից արգելափակվում են հանրապետության բոլոր դատարանների մուտքերն ու ելքերը։

«Եթե որպես ակցիա արգելափակում ենք ինչ-որ շենքերի մուտքեր, ամեն ինչը պետք է տեղի ունենա ոչ բռնի, ժողովրդական, թավշյա հեղափոխության տրամաբանության մեջ, և այս գործողություններում որևէ բռնություն, որևէ սադրանքի չարձագանքել, որևէ սադրանքի չտրվել»,- ասաց Փաշինյանը՝ շարունակելով․ – «Վաղը ոստիկանությունը պարտավոր է և իմ հրամանն է՝ ոստիկանությունը պետք է ապահովի խաղաղ ակցիայի անվտանգությունը, ակցիայի մասնակիցները նույնպես պետք է այս հրամայականն ունենան, որ ոչ մի սադրանքի չտրվեն, ոչ մի բռնություն պետք է չլինի, մենք մեր երկրից բռնությունը բացառել ենք։ Ես գիտեմ, տեսնում եմ, որ կան մարդիկ, ովքեր մտածում են, որ կարող են բռնությամբ հարցեր լուծել, և գուցե կան նաև դատարաններ, որ այդ մարդկանց աջակցություն են ցուցաբերում, որպեսզի նրանք մտածեն, որ կարող են բռնությամբ հարցեր լուծել, բայց ուզում եմ հիշեցնել, որ մենք արդեն ապացուցել ենք, որ բռնությունը բացառող, ատելությունը բացառող քաղաքական պայքարը մեզ համար ունի սկզբունքային նշանակություն»։

«Ոչ մի բան մեզ հետ չի պահի մեր նպատակներին հասնելուց, ոչ մի բան մեզ հետ չի պահի Հայաստանն իրոք ազատ, իրոք ժողովրդավարական, իրոք իրավական պետություն դարձնելու ճանապարհից։ Ես ինձ համարում եմ պարտավորված բոլորիդ առաջ, այդ ճանապարհով ես մինչև վերջ կգնամ և ոչ մի բանի առաջ չեմ կանգնի, քանի դեռ ժողովուրդը վստահում է ինձ, քանի դեռ ժողովուրդը լիազորում է ինձ՝ ծառայություններ մատուցել, ես այդ ծառայությունները կմատուցեմ ամբողջ ծավալով, միայն մի խնդրանք՝ փոխադարձ հարգանք, նույնիսկ նրանք, ովքեր կփորձեն սադրանքի դիմել, չտրվել որևէ սադրանքի, վաղը 8։30-ից արգելափակվում են հանրապետության բոոր դատարանների մուտքերն ու ելքերը և ես 12։00-ին ես բոլոր հարցերի պատասխանները կփորձեմ տալ»,- ասաց վարչապետը։

Փաշինյանը նշեց՝ վաղը ելույթից հետո կհայտարարի նաև հետագա անելիքների մասին։

«Ելույթը տեղի է ունենալու Կառավարությունում, մի շարք բարձրաստիճան պաշտոնյաների հրավիրել եմ խորհրդակցության՝ քննարկելու ընթացիկ իրավիճակը և մեր հետագա անելիքները»,- ասաց վարչապետը՝ եզրափակելով․ – «Մենք պետք է գործենք Սահմանադրության էության համաձայն, միջազգային իրավունքի տառին համապատասխան և մեր վերջնական նպատակը պետք է լինի իրոք անկախ դատական համակարգ ունենալը, ես հավատում եմ դրան, մեր հեղափոխության իդեալներին և վստահ եմ, որ դրանք կիրականացնենք։ Ինձ խամաճիկային դատարան պետք չէ, մեր կառավարությանը, ժողովրդի իշխանությանը խամաճիկային դատարան պետք չի»։

Փաշինյանն այսօր ավելի վաղ տեղեկացրել էր, որ վաղը ժամը 12։00-ին կհայտարարի Հայկական հեղափոխության՝ երկրորդ, ամենակաևոր փուլի մեկնարկը։

Նա նաև նշել էր, որ վաղը հանդես է գալու դատաիրավական համակարգում հաստատված իրավիճակի մասին հայտարարությամբ։

Դատական համակարգի հարցն արդեն հասունացել է եւ լուծման կարիք ունի»,-եզրափակեց վարչապետը:

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4