June 20, 2019

Կատարում կայացել է Հայաստանի և Իրանի խորհրդարանների նախագահների հանդիպումը

Ազգային ժողովի նախագահ Արարատ Միրզոյանն այսօր Կատարում Միջխորհրդարանական միության 140-րդ նստաշրջանի աշխատանքների շրջանակում հանդիպել է Իրանի Մեջլիսի նախագահ Ալի Լարիջանիի հետ:

Ազգային ժողովի լրատվության և հանրության հետ կապերի վարչության փոխանցմամբ՝ Լարիջանին նշել է, որ կապերը երկու պետությունների միջև եղբայրական են, ինչի նշանն էր նաև Հայաստանի վարչապետ Նիկոլ Փաշինյանի պաշտոնական այցը Իրան:

Միրզոյանին շնորհավորելով Ազգային ժողովի նախագահ ընտրվելու կապակցությամբ՝ Իրանի Մեջլիսի նախագահն անդրադարձել է խորհրդարանական համագործակցության և երկու երկրների միջև տնտեսական հարաբերությունների ակտիվացման հարցերին:

Հայաստանի խորհրդարանի նախագահն ընդգծել է, որ Հայաստանի և Իրանի միջև բարեկամական հարաբերությունները հիմնված են բազմադարյա պատմամշակութային կապերի վրա, և վստահություն հայտնել, որ երկու երկրների միջև փոխգործակցությունը զարգացում կապրի նաև խորհրդարանական մակարդակում:

Զրուցակիցներն անդրադարձել են բարձր տեխնոլոգիաների, էներգակիրների, ֆինանսական և այլ ոլորտներում համագործակցության խորացմանը:

Ալի Լարիջանին Ազգային ժողովի նախագահին հրավիրել է այցելել Իրան, Արարատ Միրզոյանը սիրով ընդունել է հրավերը:

ԱԺ նախագահը Կատարում հանդիպումներ է ունեցել նաև Միջխորհրդարանական միության գլխավոր քարտուղար Մարտին Չունգոնգի, Բելգիայի Ներկայացուցիչների պալատի նախագահ Զիգֆրիդ Բրակեի հետ:

Բրակեի հետ հանդիպմանը, մասնավորապես, Միրզոյանը մեծապես կարևորել է Բելգիայի օրենսդրի կողմից Հայաստան-Եվրամիություն Համապարփակ և ընդլայնված գործընկերության համաձայնագրի վավերացումը: Ներկայացուցիչների պալատի նախագահը պատրաստակամություն է հայտնել նպաստելու համաձայնագրի՝ կարճ ժամկետներում վավերացմանը, ասված է պաշտոնական հաղորդագրությունում:

azatutyun.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4