November 20, 2019

Նախկին իշխանության օրոք աղբը հավաքում, տանում լցնում էին 25 մետր այն կողմ. Փաշինյան

Հայաստանի վարչապետ Նիկոլ Փաշինյանը շաբաթօրյակը սկսեց Սոս Սարգսյանի անվան Համազգային թատրոնի բակից։

«Ինձ շատ զարմացրեց, որ ճանապարհի երկու կողմում տեսա, որ լիքը աղբ է, այսինքն էստեղ տեղի է ունենալու հանդիսավոր միջոցառում ի պատրվ Սոս Սարգսյանի, և ինչքան բուն միջոցառման հատվածին մոտեցա այնքան տեսա, որ ամենուրեք աղբ է։ Ճիշտն ասած, մտածեցի, որ էդ պայամններում չի կարելի հանդիսավոր միջոցառում անել և դա կլինի անհարգալից վերաբերմունք առաջին հերթին Սոս Սարգսյանի հանդեպ։ Ճիշտն ասած, սկզբից հեռանում էի, որ գնայի Կոտայքի մարզ շաբաթօրյակին մասնակցելու, կազմակերպիչներին ասելու, որ կմաքրեք, հետո միջոցառումը կանեք, հետո մտածեցի՝ ես ինքնս կարող եմ էդ գործը անել՝ մաքրելու գործը ու հիմա զբաղված եմ էդ գործով», – ասաց Փաշինյանը։

«Ազատության» հարցին, որ նախկին իշխանության օրոք տարածքը մաքրում էին բավականին մեծ մասշտաբներով, ի՞նչով է բացատրում, Փաշինյանը պատասխանեց. «Նախկին իշխանության օրոք աղբը հավաքում, տանում լցնում էին 25 մետր այն կողմ, ա՞յդ է տրամաբանությունը։ Գիտեք էդ ամեն ինչը ոչ թե իշխանության նկատմամբ է վերաբերմունք, այլ ամեն մարդ ինքն իր նկատմամբ է վերաբերմունք, որովհետև իշխանությունը էսօր կա, վաղը՝ չկա, բայց էս միջավայրը շարունակելու է չէ՞ գորյություն ունենալ»։

Փաշինյանը նաև հավելեց, որ իրեն վիրավորված է համարում առաջին հերթին Սոս Սարգսյանի համար։

«Սոս Սարգսյանի Համազգային թատրոնի հիմնարկեքի արարողությունը պետք է աղբի մեջ տեղի ունենա հա՞, էդ ո՞ւմ նկատմամբ է անհարգալից վերաբերմունք, էն դեպքում՝ ինձ հարյուր անգամ խնդրել են, ասել են՝ շատ կարևոր է խնդրում ենք անպայման եկեք, անպայման եկեք, և սա ոչ թե ինձ համար է վրավորական, ես ինձ վիրավորված եմ զգում առաջին հերթին Սոս Սարգսյանի համար», – նշեց վարչապետը։

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4