May 24, 2019

Հուսով եմ, որ իշխանությունները ձեռնամուխ կլինեն Հոկտեմբերի 27-ի ամբողջական բացահայտմանը. Ստեփան Դեմիրճյան

Ես հուսով եմ, որ իշխանությունները ձեռնամուխ կլինեն Հոկտեմբերի 27-ի ամբողջական բացահայտմանը։ Այս մասին այսօր՝ մարտի 5-ին, լրագրողների հետ զրույցում ասաց 1999 թվականի հոկտեմբերի 27-ին սպանված՝ Ազգային ժողովի նախագահ Կարեն Դեմիրճյանի որդին՝ Ստեփան Դեմիրճյանը։ 

«Այսօր մենք պետք է ըստ արժանվույն գնահատենք սպարապետ Վազգեն Սարգսյանի ավանդը մեր զինված ուժերի ստեղծման եւ կայացման գործում։ Ակնհայտ է, որ բանակը այսօր ամենակայացած կառույցն է։ Ինչ վերաբերում է Հոկտեմբերի 27-ի ոճրագործության բացահայտմանը, ապա ես հուսով եմ, որ իշխանությունները ձեռնամուխ կլինեն Հոկտեմբերի 27-ի ամբողջական բացահայտմանը»,– նշեց նա։

Հիշեցնենք, որ 1999թ. հոկտեմբերի 27-ին, ոճրագործների խումբը` Նաիրի Հունանյանի գլխավորությամբ, ներխուժեցին Հայաստանի Ազգային ժողովի նիստերի դահլիճ եւ դիմահար կրակոցներով սպանեցին կառավարության եւ խորհրդարանի անդամներին:

Ահաբեկչության զոհ դարձան երկրի վարչապետ, Սպարապետ Վազգեն Սարգսյանը, խորհրդարանի նախագահ Կարեն Դեմիրճյանը, ԱԺ փոխնախագահներ Յուրի Բախշյանն ու Ռուբեն Միրոյանը, օպերատիվ հարցերի նախարար Լեոնարդ Պետրոսյանը, խորհրդարանի պատգամավորներ Արմենակ Արմենակյանը, Հենրիկ Աբրահամյանը եւ Միքայել Քոթանյանը:

news.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4