June 24, 2019

Հայաստանը թաքնված մարգարիտ է. ՀՀ-ն՝ Forbes-ի 2019-ի լավագույն բյուջետային զբոսաշրջային ուղղությունների ցանկում

Հեղինակավոր Forbes ամսագիրը ներկայացրել է լավագույն բյուջետային ուղղությունները 2019-ին ճանապարհորդելու համար: Ցանկը կազմելու համար հեղինակը զբոսաշրջային փորձագետների օգնությանն է դիմել, խնդրելով երկուական ուղղություն նշել, կարոտալի հուշերի հետ կապված վայր եւ վայր, ուր վերջերս են այցելել եւ ցանկանում են պատմել բոլորին:

Նպատակը բյուջետային ճանապարհորդության համար հարմար ուղղություններ գտնել է, որոնք չեն սնանկացնի զբոսաշրջիկներին: Պաշտոնական ցանկում ընդգրկվել է 18 երկիր, որոնց թվում՝ նաեւ Հայաստանը:

«Տեղակայված լինելով Կովկասյան լեռներում՝ Հայաստանը թաքնված մարգարիտ է, ուր դեռեւս չի հասել զանգվածային զբոսաշրջությունը, եւ այն այնքան բան ունի առաջարկելու՝ հարուստ պատմություն, գինեգործարաններ, տպավորիչ բնապատկերներ, հնագույն վանական համալիրներ եւ զարմանահրաշ լեռներ: Մայրաքաղաք Երեւանը գեղեցիկ քաղաք է՝ լայն պողոտաներով, համեղ ռեստորաններով, թանգարաններով եւ տեղական ձեռագործ աշխատանքներ վաճառող խանութներով: Երեւանից դուրս գեղատեսիլ բնություն է: Կարող եք այցելել աշխարհի հնագույն գինեգործարանն Արենիում, ինչպես նաեւ աշխարհի հնագույն մայր տաճարն Էջմիածնում», – ասվում է Forbes-ի հոդվածում:

Հայաստանից բացի բյուջետային ուղղությունների ցանկում ընդգրկվել են նաեւ Սան Անտոնիոն (Տեխաս), մեքսիկական Պուեբլա քաղաքը, Հավայան կղզիները, Սուրբ Հեղինեի կղզին, Ֆիլիպինները, Բալկանյան թերակղզին, Ագրան, Բուդապեշտը, Արգենտինան, Մոնղոլիայի Գոբի անապատ, Հարավային Աֆրիկան, Զանզիբարը, Սերբիան, Տրանսիլվանիան (Ռումինիա):

armtimes.com

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4