August 21, 2019

Հայաստանում այսօր ԱԺ արտահերթ ընտրություններ են, պայքարում է 11 քաղաքական ուժ

Այսօր Հայաստանի Հանրապետությունում արտահերթ խորհրդարանական ընտրություններ են:

Ժամը 08:00-ի դրությամբ բացվել են Հանրապետության բոլոր ընտրատեղամասերը:

1500 ընտրատեղամասերում քվեարկության ընթացքին և արդյունքների ամփոփմանն ուղիղ հեռարձակմամբ կարող եք հետևել այստեղ՝ ԿԸՀ կայքում, նշելով ընտրատարածքն ու կոնկրետ ընտրատեղամասը։

Ընտրություններն անցկացնելու համար բացվել են 2010 ընտրական տեղամասեր, որից 479-ը՝ Երեւանում: Ընտրությունների արդյունքների վերաբերյալ ընտրական հանձնաժողովների արձանագրությունները կուղարկվեն տարածքային ընտրական հանձնաժողովներ (երկրում կա 38 ՏԸՀ, մայրաքաղաքում՝ 10): Նրանք իրենց հերթին իրական ժամանակի ռեժիմում արդյունքները էլեկտրոնային տարբերակով մտցնելու են ձայների հաշվարկի միասնական համակարգի մեջ:

ԱԺ արտահերթ ընտրություններին մասնակցում է թվով 11 քաղաքական ուժ` 9-ը կուսակցություն և 2 դաշինք: Արտահերթ խորհրդարանական ընտրություններն անցկացվում են պատմության մեջ առաջին անգամ:

Կուսակցությունների համար անցողիկ շեմ է համարվում 5 տոկոսը, դաշինքների համար` 7-ը:

Պայքարում են 11 քաղաքական ուժեր, որոնք ներկայացրել են 1471 պատգամավորի թեկնածու:

Խորհրդարանն ընտրվում է 5 տարի ժամկետով: Ազգային ժողովում ընտրվելու է առնվազն 101 պատգամավոր, եւս 4 տեղ հատուկ քվոտայով հատկացվելու է չորս խոշոր ազգային փոքրամասնությունների` եզդիների, ռուսների, ասորիների եւ քրդերի ներկայացուցիչներին: Եթե որեւէ ուժ պատգամավորական մանդատի 2/3-ը ստանա, ապա պատգամավորների թիվը կավելանա, մինչեւ ընդդիմությունը խորհրդարանի 1/3-ը չզբաղեցնի:

Կենտրոնական ընտրական հանձնաժողովը վիճակահանությամբ Ազգային ժողովի արտահերթ ընտրություններին մասնակցող կուսակցությունների, կուսակցությունների դաշինքների հերթական համարները սահմանել է հետևյալ կերպ.

1. Հայաստանի Հանրապետական կուսակցություն՝ պաշտպանության նախկին նախարար Վիգեն Սարգսյանի գլխավորությամբ:

2. «Քաղաքացու որոշում» սոցիալ-դեմոկրատական կուսակցություն՝  Սուրեն Սահակյանի գլխավորությամբ:

3. «Հայ Յեղափոխական դաշնակցություն» կուսակցություն՝ Ազգային ժողովում «ՀՅԴ» խմբակցության ղեկավար Արմեն Ռուստամյանի գլխավորությամբ

4. «Իմ քայլը» կուսակցությունների դաշինք՝ ՀՀ վարչապետի պաշտոնակատար Նիկոլ Փաշինյանի գլխավորությամբ:

5. «Լուսավոր Հայաստան» կուսակցություն՝ կուսակցության ղեկավար Էդմոն Մարուքյանի գլխավորությամբ:

6. «Քրիստոնեա-ժողովրդական վերածնունդ» կուսակցություն՝ քաղաքագետ Լևոն Շիրինյանի գլխավորությամբ:

7. «Ազգային առաջընթաց» կուսակցություն՝ Լուսինե Հարոյանի գլխավորությամբ:

8. «Մենք» կուսացությունների դաշինք՝ «Հանրապետություն» կուսակցության նախագահ Արամ Սարգսյանի գլխավորությամբ:

9. «Օրինաց երկիր» կուսակցություն՝ կուսակցության նախագահ Արթուր Բաղդասարյանի գլխավորությամբ:

10. «Սասնա ծռեր» համահայկական կուսակցություն՝ Վարուժան Ավետիսյանի գլխավորությամբ:

11. «Բարգավաճ Հայաստան» կուսակցություն՝ կուսակցության նախագահ Գագիկ Ծառուկյանի գլխավորությամբ:

armtimes.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4