Rss Feed
Tweeter button
Facebook button
Technorati button
Reddit button
Myspace button
Linkedin button
Webonews button
Delicious button
Digg button
Flickr button
Stumbleupon button
Newsvine button
Youtube button
November 21, 2018

Ստամբուլի հռչակագիրը PR քայլ էր և օգտագործվեց նաև որպես զենք Հայաստանի դեմ

«Ստամբուլում Իրանի, Թուրքիայի և Ադրբեջանի արտգործնախարարների հանդիպումը եռակողմ ձևաչափով թվով վեցերորդն էր: Կարելի է ասել, որ այս հռչակագրում նախորդ հռչակագրերի հետ համեմատած խոշոր փոփոխություններ չկային: Եվ ճիշտ է, Իրանի արտգործնախարարը ստորագրել է մի հռչակագրի տակ, որտեղ պաշտպանվում է նաև տարածքային ամբողջականությունը, բայց Իրանը մշտապես կողմ է եղել տարածքային ամբողջականությանը և Արցախյան հակամարտության հարցում միշտ որդեգրել և որդեգրում է չեզոք քաղաքականություն»,- ասաց իրանագետ Գարիկ Միսակյանը՝ անդրադառնալով հոկտեմբերի 30-ին Ստամբուլում Թուրքիայի, Ադրբեջանի և Իրանի արտգործնախարարների հանդիպմանը, որի արդյունքում ընդունվել է հռչակագիր, որտեղ հիշատակվում է նաև արցախյան հիմնախնդիրը:

Մեր զրուցակցի խոսքերով՝ Իրանի արտգործնախարարը նշել է, որ տարածաշրջանային բոլոր հակամարտությունները՝ Եմենի, Սիրիայի, Պաղեստինի, պետք է լուծվեն միջազգային օրենքի սահմաններում՝ ավելացնելով, որ Իրանի Իսլամական Հանրապետությունը մշտապես կողմ է եղել միջազգային օրենքների սահմաններում Արցախյան հակամարտության խաղաղ բանակցային ճանապարհով լուծմանը: Միսակյանը նաև շեշտեց այն հանգամանքը, որ Իրանի արտգործնախարար Զարիֆը Արցախյան հակամարտությունը չի նշել վերոնշյալ երեք հակամարտությունների հետ:

«Ինչ վերաբերում է տարածքային ամբողջականությանը, Իրանը, աչքի տակ ունենալով իր ներքին խնդիրները, միջազգային օրենքներում միշտ նշում է տարածքային ամբողջականության կարևորությունը՝ խուսափելով ազգերի ինքնորոշման իրավունքի հայտարարումից, քանի որ Իրանի ներսում կան ներքաղաքական խնդիրներ, որոնք հովանավորվում են նաև արտասահմանից»,- հավելեց նա:

Միսակյանը նաև նշեց, որ Ստամբուլում կայացած վերջին եռակողմ հանդիպումը Իրանը փորձում էր ավելի շատ օգտագործել տնտեսական համատեքստում, ուստի և՛ իրանական ԶԼՄ-ներում, և՛ պաշտոնական հայտարարություններում, ինչպես նաև Զարիֆի խոսքում կարևորվում էր այն հանգամանքը որ Թուրքիան և Ադրբեջանը շարունակելու են տնտեսական լուրջ համագործակցությունն Իրանի հետ:

«Կարող ենք փաստել, որ մտահոգվելու առիթ չկա… Ադրբեջանի կողմից սա օգտագործվեց որպես PR քայլ կամ Հայաստանի նոր կառավարության, հայ ժողովրդի վրա ազդելու զենք: Ինչպես տեսանք, հայկական տիրույթում բավական մեծ արձագանք գտավ և հաջողվեց իրենց PR քայլ»,- հավելեց նա՝ անդրադառնալով այն հարցին՝ արդյոք ստամբուլյան հռչակագրում կան նոր դրույթներ, և մտահոգվելու կարիք կա, թե ոչ՝ կապված արցախյան հարցում իրանական դիրքորոշման հետ:

1in,am

 

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4