September 25, 2018

Դուխով վեր կացեք եւ պայքարեք ձեր իրավունքների համար. Արայիկ Հարությունյանը՝ ուսուցիչներին

Տնօրենները դպրոցների խորհուրդները վերածել են բիզնեսի, պետք է այս ամենին վերջ տալ: Այս մասին այսօր՝ օգոստոսի 15-ին քաղաքացիների հետ հանդիպման ժամանակ հայտարարեց ՀՀ կրթության եւ գիտության նախարար Արայիկ Հարությունյանը:

«Որոշ տնօրեններ իրենց խորհուրդների միջոցով դպրոցը վերածել են բիզնեսի, դուքյանի, եւ նաեւ ձեր միջոցով այս ամեն ինչին պետք է վերջ տանք: Այս ուղղությամբ մենք քայլեր ձեռնարկում ենք: Առաջինը այն է, որ հենց այսօր քննարկվել է դպրոցներում խորհուրդների եւ տնօրեններին հավաստագրեր տրամադրելու կարգը»,- ասաց նախարարը՝ նշելով, որ խնդիրը լուծելու համար պետք է նաեւ ուսուցիչների եւ ծնողների աջակցությունն ու մասնակցությունը:

ԿԳ նախարարի կարծիքով՝ հեղափոխությունը նաեւ այս ոլորտում պետք է տեղի ունենա:

«Կառավարությունն ամեն դպրոց չի կարող գալ, բայց տեղերում դուք պետք է օգնեք՝ պայքարելով եւ չվախենալով: Ինձ ասում են՝ դպրոցի տնօրենն եկել եւ ինձ հանել է դասարանից: Ո՞նց կարող եք վախենալ տնօրենից, նա ձեր տեր ու տիրակալը չէ: Ես խնդրում եմ, դուխով վեր կացեք եւ պայքարեք ձեր իրավունքների համար, նոր իշխանությունը ձեզ այդ հարցում կօգնի»,- հավելեց կրթության նախարարը:

Գիտության պետական կոմիտեում ստուգումներ են անցկացվում: Այս մասին այսօր՝ օգոստոսի 15-ին Կասկադում քաղաքացիների հետ հանդիպման ժամանակ ասաց ԿԳ նախարար Արայիկ Հարությունյանը՝ պատասխանելով ֆիզիկոս Նարինե Ղազարյանի հարցին, թե Հարությունյանի նախարար լինելու ընթացքում գիտության պետական կոմիտեում որեւէ ստուգում արվե՞լ է, թե՝ ոչ:

«Գիտական շրջանակների հետ աշխատելը բավական դժվար է, որովհետեւ ներքին խանդեր եւ զոռբայություն կա: Գիտության կոմիտեում Սամվել Հարությունյանի հետ կապված ասել եմ եւ ասեմ, որ գիտության կազմակերպումը բավական բարդ պրոցես է, որովհետեւ եթե դու նույնիսկ վատ կադրին էդ բուրգից հանես, դու կարող է մնաս էդ բուրգի փլատակնբերի տակ»,-ասաց նախարարը:

Արայիկ Հարությունյանի խոսքով՝ գիտնականների մեծ մասը եւ անանուն բողոքողները կոնկրետ փաստերով չեն խոսում, ուղղակի ասում են, որ այդ մարդուն չեն սիրում:

«Տիկնոջը ընդունել եմ, լսել եմ, ինձ առաջարկել է գիտության գծով իրեն խորհրդական նշանակեմ, սակայն երբ ես չհամաձայնեցի, սկսվեցին Սամվել Հարությունյանի դեմ բողոքները: Ես ուզում եմ հասկանաք՝ իմ եղբայրն էլ լինի, ով ուզում է լինի, եթե չարաշահումներ անի, կհայտնվի բանտում, էս իշխանության հիմնական սկզբունքը  դա է»,- ասաց նախարարը:

 

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4