Rss Feed
Tweeter button
Facebook button
Technorati button
Reddit button
Myspace button
Linkedin button
Webonews button
Delicious button
Digg button
Flickr button
Stumbleupon button
Newsvine button
Youtube button
December 18, 2018

Վլադիմիր Կարապետյան. Վերջապես ականատեսն եք արդարադատության

Մեր հարցերին պատասխանում է Հայ ազգային կոնգրեսի արտաքին հարաբերությունների հանձնաժողովի նախագահ, ԱԳՆ նախկին խոսնակ Վլադիմիր Կարապետյանը:

Հիշեցնենք, որ Կարապետյանը այն 7 դիվանագետներից մեկն էր, որոնք 2008-ի նախագահական ընտրություններից հետո տարածած հայտնի հայտարարությունից հետո այն ժամանակվա իշխանությունների կողմից ազատվել էին աշխատանքից:

– Պարոն Կարապետյան, երկրորդ նախագահ Ռոբերտ Քոչարյանի պաշտպանները, նրա գրասենյակի ղեկավար Վիկտոր Սողոմոնյանը պնդում են, որ Քոչարյանին  մարտի 1-ի գործով կալանավորելու որոշումն ապօրինի է, մեղադրանքները կեղծ են: Ավելին, Սողոմոնյանն ասել է, որ Ռոբերտ Քոչարյանը բանակը քաղաքական գործընթացների մեջ չի ներքաշել, դա արել է ընդդիմությունը, որը հարթակից պարբերաբար կոչ է արել 2008թ. ԵԿՄ նախագահ, պաշտպանության փոխնախարար Մանվել Գրիգորյանին՝ միանալ իրենց:  Ի՞նչ կասեք նման հայտարարությունների մասին:

– Լսեցի Ռ. Քոչարյանին պաշտպանող խմբի բացատրությունները: Ինձ բավարարված եմ զգում այն բանից, որ փաստարկներն ու պաշտպանական մարտավարությունը թույլ են և անորոշ: Միայն պատկերացրի, թե ինչպես է մեկնաբանելու դատարանը այն պնդումը, թե Քոչարյանը փորձում էր զերծ պահել բանակը՝ քաղաքականություն ներքաշողներից: Այս միտքը ցույց է տալիս, թե որքան սնանկ են Ռ. Քոչարյանի դիրքերը: Այսինքն՝ 5 մարդ, չունենալով որևէ հիմնավորում, բայց ունենալով կարգավիճակ (ընդ որում՝ բարձր վարձատրվող, և դա միակ դրական հանգամանքն է այս ամենում), լուրջ դեմքերով անհեթեթություններ են տարածում:

Որքան հասկանում եմ՝ դեռևս միայն մեկ պահով է մեղադրանք առաջադրված՝ 0038 գաղտնի հրամանին Ռ. Քոչարյանի առնչության մասով: Այն, որ այդ հրամանով հիմք դրվեց մարտիմեկյան սպանդին, վկայում է գոնե այն, որ ուժային հանգուցալուծման մասին այդ օրերին խոսում էին ամենուր, այդ թվում՝ ԱԳՆ-ում: Խոսում էին կոնկրետ մարդիկ, հստակ նպատակներով: ՀՀ պաշտպանության նախարար Միքայել Հարությունյանն անգամ արտերկյա իր այցելության ժամանակ էր զրուցակիցներին տեղեկացրել, որ զորքը օգտագործվելու է ցուցարարներին ցրելու, իրավիճակը վերահսկողության տակ վերցնելու համար: Միայն այս փաստերը բավական են, որ հասկացվի, թե ինչպես էր իշխանությունը պատրաստվում քաղաքի կենտրոնում սպանդի: Այդ հրամանով նախապատրաստվել էր իշխանության ոճրագործությունը, և հենց դրա վկայությունն է այն, որ Ռ. Քոչարյանը իր հայտնի ելույթում խոսում էր «ավտոբուսի հետևից կրակող ցուցարարների» մասին: Դրանով, իբր, նաև հիմնավորում էր արտակարգ դրություն մտցնելը: Վերոնշյալ հրամանը ուղիղ կապ ունի այդ հայտարարության հետ:

– Քոչարյանն իր հարցազրույցում ասել էր, թե պաշտպանության նախարար Միքայել Հարությունյանն իրեն ասել է, որ որոշել են սպայական կազմը զորանոցային վիճակի բերել այն նպատակով, որ հեռու պահեն բանակը քաղաքական ազդեցությունից:

– Դժվար է գտնել ավելի պարզունակ հիմնավորում, պաշտպանական կողմը չունի այլ ասելիք և անցել է անհեթեթ պնդումների: Դեռևս 2008 թվականից բազմիցս է խոսվել, որ հետընտրական օրերին Երևանում էին գտնվում նաև ԼՂ-ից բերված զորամիավորներ: Այս լուրերը դեռ պետք է հաստատվեն, մենք էլ պետք է հասկանանք, թե եթե դա ճիշտ է, ապա ինչպես են Երևանի կենտրոնում հայտնվել զորամիավորումներ սահմանից, այն էլ՝ սահմանային լարվածության պայմաններում:

-Ըստ Ձեզ՝ որքա՞ն կտևի քննությունը, ինչպիսի՞ այլ հանգամանքներ կան հասարակության ուշադրությունից հեռու:

Ակնհայտ է, ունենալու ենք մրցակցային դատավարություն: Այն շուտ չի լինի, քննության ամբողջականության ապահովման համար անհրաժեշտություն կլինի հարյուրավոր դրվագներ ուսումնասիրել, մի քանի տասնյակ հարցաքննություն իրականացնել, պարզել կրակ արձակելու հրամանների շղթան, բացահայտել սպանությունները, արտակարգ դրություն մտցնելու շինծու հիմքերը: Պաշտպանական կողմը հանդես է բերելու մանիպուլյատիվ հնարքներ, քաղաքական հայտարարություններ անի, ինչպես դա իրենց թույլ տվեցին փաստաբանները վերջին ասուլիսի ընթացքում, փորձելու են ազդել մարդկանց գիտակցության վրա: Քննությունը վարող մարմինը, լայն հասարակությունը պետք է ուշադրություն չդարձնեն «միակ տղամարդու» ստախոսների փոքրաթիվ խմբակին և հաստատակամորեն շարժվեն լիարժեք բացահայտման ուղղությամբ:

– Երկրորդ նախագահի պաշտպաններն ասում են, թե Քոչարյանը պարզապես թիրախ է:

– Քոչարյանը այսօր լքված է ու միայնակ: Իր՝ լայն իմաստով պաշտպանությունը հիմա միայն վարձ ստացող մարդիկ են իրականացնում: Չկա մեկը, որ դուրս գա փողոց, չկա գոնե 10 հոգանոց խումբ, որ որևէ բողոքի գործողության դիմի՝ ի պաշտպանություն Ռ. Քոչարյանի: Մասիսի քաղաքապետի համակիրները շատ ավելի մեծաքանակ ու հավատարիմ էին իրենց պաշտպանյալին:

Ռ. Քոչարյանը 10 տարի զբաղեցրել է նախագահի պաշտոնը՝ որտե՞ղ են մի քանի տասնյակ նախարարները, վարչության պետերը, պատգամավորներն ու գործարարները, որոնք պաշտպանել են ժամանակին Ռ. Քոչարյանին: Նա մենակ է ու մեկուսացված: Բոլորը գիտեն, որ արված հանցագործությունների համար պետք է պատասխան տրվի, և այդ օրը սարերի ետևում չէ: Իրեն պաշտպանող յուրաքանչյուրը պետք է գիտակցի, որ այս մարդը արյունով եկել է իշխանության, արյունով հանձնել, միակ առաքելությունն էլ եղել այն, որ այլ դաշտում մեղավորներ գտնի: Ու գտել է, ու պատժել: Ռ. Քոչարյանի խափանման միջոցը փոխելու համար երաշխագիր ստորագրած պատգամավորները մինչ օրս ամաչում են հրապարակել իրենց անունները: Սա նախադեպ չունեցող փաստ է:

Այսօր վերջապես մենք ականատեսն եք արդարադատության և հետամուտ ենք լինելու, որ այն իրականանա առանց խոչընդոտների:

ilur.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4