November 21, 2019

Երեւանի ավագանու ընտրություններում «Քաղաքացիական պայմանագրի» քաղաքապետի թեկնածուն Հայկ Մարությանն է

«Քաղաքացիական պայմանագիր» կուսակցության քաղաքապետի թեկնածուն Հայկ Մարությանն է («Կարգին Հայկո»): NEWS.am-ի թղթակցի հաղորդմամբ՝ այս մասին այսօր՝ հուլիսի 29-ին կայացած ՔՊ կուսակցության վարչության նիստի ավարտին հայտարարեց ՔՊ կուսակցության անդամ, ՀՀ ԱԺ պատգամավոր Ալեն Սիմոնյանը:

«Քիչ առաջ տեղի ունեցավ «Քաղաքացիական պայմանագիր» կուսակցության վարչության նիստը, որի ժամանակ քննարկվեց Երեւան քաղաքի ընտրություններին մասնակցության ֆորմատը, այսինքն՝ հտակեցնեմ. խոսքը գնում է այն մասին, թե ով կգլխավորի մեր ցուցակը: Ընտրությունը տեղի է ունեցել 2 փուլով. 2-րդ փուլ են անցել թեկնածուներից Հայկ Մարությանը եւ Ալեն Սիմոնյանը: 2-րդ փուլով «Քաղաքացիական պայմանագրի» առաջին համար է ընտրվել իմ ընկեր Հայկ Մարությանը»,- հավելեց Ալեն Սիմոնյանը:

Նա բոլորին կոչ արեց սատարել Հայկ Մարությանի թեկնածությունը: Սիմոնյանը, միաժամանակ, նշեց, որ «Ելք» դաշինքի ձեւաչափով ընտրություններում հանդես գալու հարց չի քննարկվել:

Նշենք, որ «Քաղաքացիական պայմանագիր» կուսակցությունը քաղաքապետի 4 թեկնածու ուներ՝ Ալեն Սիմոնյան, Հայկ Մարության, Զարուհի Բաթոյան եւ Սրբուհի Ղազարյան:

Նշենք, որ Տարոն Մարգարյանը հուլիսի 9-ին հրաժարական դիմում էր ներկայացրել Երեւանի քաղաքապետի պաշտոնից: Երեւանի ավագանին հուլիսի 16-ին չկարողացավ քաղաքապետ ընտրել. քվորում չկար, քանի որ ՀՀԿ-ն ու «Ելքը» թեկնածու չէին առաջադրել եւ բոյկոտել էին նիստը: Ավագանու լիազորությունների ժամկետը կրճատելու մասին որոշման հետ մեկտեղղ կառավարությունը նշանակում է ավագանու արտահերթ ընտրություններ:

Ավագանու արտահերթ ընտրությունն անցկացվում է ավագանու լիազորությունների ժամկետը կրճատելուց հետո ոչ շուտ, քան 30, և ոչ ուշ, քան 40 օրվա ընթացքում:

Երեւանի ավագանու արտահերթ ընտրություններին մասնակցելու համար արդեն հայտարարել են ԲՀԿ-ն, «Երկիր Ծիրանին», «Ելքը»: Թե ինչ ձեւաչափով է «Ելքը» մասնակցելու, դեռեւս պարզ չէ: Հանրապետականները չեն հստակեցնում՝ մասնակցելու են ընտրություններին, թե ոչ:

 

Երեւանի քաղաքապետը չպետք է լինի պաշտոնյա: Որպես Երեւանի քաղաքապետի՝ «Քաղաքացիական պայմանագիր» կուսակցության թեկնածու Հայկ Մարությանը ՔՊ վարչության նիստից հետո այսպես պատասխանեց լրագրողների հարցին, թե ինչպիսի՞ն պետք է լինի Երեւանի քաղաքապետը:

«Վստահաբար՝ նա չպետք է լինի պաշտոնյա, նա պետք է լինի ձեզանից մեկը, մեզանից մեկը, մեր քաղաքի ժողովրդից մեկը: Եթե, իհարկե, մենք հաղթենք այս ընտրություններում, ես լինելու եմ ձեզանից մեկը, եւ այդ աչքերով ենք նայելու մեր քաղաքին եւ այդ աչքերով բոլորով միասին մեր քաղաքը բերելու ենք այն վիճակին, ինչը բոլորս ենք ցանկանում, որ մենք բոլորս հպարտանանք: Ես, այսպես ասած, թեւերս քշտած մեր երեւանցիների հետ միասին պետք է լուծեմ մեր Երեւանի խնդիրները: Ես այդպես եմ ընկալում էդ պաշտոնը»,- ասաց Հայկ Մարությանը:

ՔՊ կուսակցությունից Երեւանի քաղաքապետի թեկնածուն նշեց, որ իր ծրագիրը համապատասխանում է իր կուսակցության ծրագրին:

«Ծրագիրը, բնականաբար, լինելու է մեր կուսակցության միասնական ծրագիրը, նախնական իմ մոտեցումները նույնպես համընկնում են մեր կուսակցության մոտեցումների հետ: Կան որոշակի շեշտադրումներ, որ ես առանձնացրել եմ, այդ շեշտադրումները շուտով հանրությանը կներկայացնենք, նաեւ ամբողջ ծրագիրը կներկայացնենք, այդ ժամանակ արդեն կսկսենք քննարկումը»,- ասաց նա:

Նա հավելեց, որ 6 տարի է՝ շատ քիչ է զբաղվում դերասանական գործունեությամբ, հիմնականում զբաղվում է կազմակերպչական աշխատանքով: «2012 թվականից՝ արդեն 6 տարի է՝ դերասանական  աշխատանքը իմ կյանքում կազմում է ընդամենը 20 տոկոսը, 80 տոկոսը կազմում է իմ կազմակերպչական եւ կառավարչական աշխատանքը: Ունենք պրոդյուսերական կենտրոն, ինչպես նաեւ բոլորն արդեն տեսել են քաղաքական եւ սոցիալական իմ ակտիվությունը եւ իմ գործունեությունը»,- հավելեց Մարությանը:

Նշենք, որ ՔՊ անդամ Ալեն Սիմոնյանը վարչության նիստի ավարտին հայտատարեց, որ կուսակցությունը դեռ չի որոշոել, թե ինչ ձեւաչափով է մասնակցելու ավագանու ընտրություններին:

Նշենք, որ Տարոն Մարգարյանը հուլիսի 9-ին հրաժարական դիմում էր ներկայացրել Երեւանի քաղաքապետի պաշտոնից: Երեւանի ավագանին հուլիսի 16-ին չկարողացավ քաղաքապետ ընտրել. քվորում չկար, քանի որ ՀՀԿ-ն ու «Ելքը» թեկնածու չէին առաջադրել եւ բոյկոտել էին նիստը: Ավագանու լիազորությունների ժամկետը կրճատելու մասին որոշման հետ մեկտեղղ կառավարությունը նշանակում է ավագանու արտահերթ ընտրություններ:

Ավագանու արտահերթ ընտրությունն անցկացվում է ավագանու լիազորությունների ժամկետը կրճատելուց հետո ոչ շուտ, քան 30, և ոչ ուշ, քան 40 օրվա ընթացքում:

Երեւանի ավագանու արտահերթ ընտրություններին մասնակցելու համար արդեն հայտարարել են ԲՀԿ-ն, «Երկիր Ծիրանին», «Ելքը»: Թե ինչ ձեւաչափով է «Ելքը» մասնակցելու, դեռեւս պարզ չէ: Հանրապետականները չեն հստակեցնում՝ մասնակցելու են ընտրություններին, թե ոչ:

 

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4