November 18, 2019

Ռազմաքաղաքական իրավիճակը լարված է, Նախիջևանի հետ սահմանին և շփման գոտում կուտակումներ կան, պետք է պատրաստ լինել ցանկացած պրովոկացիայի. Նիկոլ Փաշինյան

Հայկական սահմաններին հրադադարի ռեժիմի խախտման վիճակագրությունը բավականին ցածր է, սակայն լարված է ռազմաքաղաքական իրավիճակը:

Կուտակումներ կան շփման գոտում, ունենք ադրբեջանական որոշ ստորաբաժանումների կուտակումներ, այդպիսի իրավիճակ ունեինք ապրիլյան պատերազմից առաջ, իսկ Նախիջևանի հետ սահմանին մենք ունենք որոշակի ապակառուցողական գործողություններ Ադրբեջանի կողմից:

Այս մասին ֆեյսբուքյան ուղիղ հեռարձակման միջոցով հայ-ադրբեջանական սահմանին տիրող իրավիճակի վերաբերյալ հարցին ի պատասխան ասաց ՀՀ վարչապետ Նիկոլ Փաշինյանը:
«Ռազմաքաղաքական իրավիճակը բավականին լարված է, սակայն ես նկատի չունեմ սահմանին կոնկրետ խախտումները, որովհետև եթե զուտ վիճակագրությամբ նայենք, ապա հրադադարի ռեժիմի խախտումները մեծ չեն:

Զինվորականներն ասում են, որ ունեն սանդղակ, որը չափանիշ է, և այդ սանդղակից վերև խախտումները վտանգավոր են, իսկ սանդղակից ներքև խախտումները վտանգավոր չեն:

Իմ՝ վարչապետ դառնալուց հետո այս սանդղակից շատ քիչ վերև մաքսիմում չորս դեպք է եղել, բայց ռազմաքաղաքական իրավիճակն է լարված: Դուք տեսնում եք, որ Ադրբեջանն ագրեսիվ հայտարարություններ  է անում, և իմ հրամանն է ծայրահեղ զգույշ լինել և պատրաստ լինել Ադրբեջանի կողմից ցանկացած պրովոկացիայի ցանկացած պահի»,-ասաց Փաշինյանը:

Ինչ վերաբերում է սահմանային գոտիներին, Նիկոլ Փաշինյանն ասաց, որ շփման գոտում կան կուտակումներ, ինչպես եղել է Ապրիլյան պատերազմի օրերին, և Ադրբեջանի մարտավարությունն է, որ դա սովորական դառնա հայկական կողմի համար, որ նկատելու չտան: Ինչ վերաբերում է Նախիջևանի սահմանին, Փաշինյանն ասաց. «Նախիջևանի  սահմանին ունենք կուտակումներ, ապակառուցողական գործողություններ են կատարվում Ադրբեջանի կողմից, և մենք բոլոր իրավիճակներում մեր պետության շահերը պետք է պահենք»:

Փաշինյանն ասաց, որ վերլուծելով Ադրբեջանի գործողությունները՝  հանգում է այն եզրակացության, որ Ալիևը ներքին խնդիրներ ունի, մտավախություն ունի, որ Ադրբեջանում ևս կոգևորվեն Հայաստանում տեղի ունեցած գործողություններով, և այդ պատճառով է, որ ինքը նշում է, որ Ադրբեջանի ցանկացած ագրեսիվ գործողություն ուղղված է ոչ միայն Հայաստանին, այլ նաև ժողովրդավարությանը:

«Լավ նորություն էլ ունենք, որ այսօր հայ ժողովուրդը Արցախում, Սփյուռքում և Հայաստանում համախմբված է առավել քան երբևէ, և սա մեր մարտունակության լավագույն գործոնն է»-ասաց Փաշինյանը:

tert.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4