Rss Feed
Tweeter button
Facebook button
Technorati button
Reddit button
Myspace button
Linkedin button
Webonews button
Delicious button
Digg button
Flickr button
Stumbleupon button
Newsvine button
Youtube button
December 16, 2018

Իրանը փորձում է Նախիջևանի տարածքը բացել Հայաստանի համար

Հայ-ադրբեջնական սահմանի նախիջևանյան հատվածում նախօրեին ստեղծվել էր լարված իրավիճակ: Նախիջևանը պատահական տարածք չէ ոչ միայն Հայաստանի համար, այլ նաև Իրանի: Շատ վերլուծաբանների մոտ կասկածներ կան, որ այդ ճակատը կարող է նոր հակամարտության պատուհան բացել Հայաստանի համար, և Թուրքիան ուղղակիորեն կարող է ներքաշվել հայ-ադրբեջանական հակամարտության կարգավորման գործընթաց:

«Առաջին լրատվական»- ի հետ թեմայի շուրջ զրույցում ԵՊՀ իրանագիտության ամբիոնի վարիչ Վարդան Ոսկանյանը նշեց. «Նախիջևանի տարածքը Իրանի համար կենսական տարածք է: Ես կարծում եմ, որ մեզանում էլ որոշակի մակարդակներում պետք է հստակորեն արձանագրենք, որ, այո՛, Նախիջևանի Ինքնավար Հանրապետությունը Հայաստանի համար էլ՝ մեր շահերի և մեր անվտանգության տեսանկյունից, կենսական տարածք է:

Հետևաբար այդ տարածքի ռազմականացումը մեր պետության համար վտանգ է ներկայացնում, ուղղակիորեն վտանգում է մեր կենսական շահերը: Այս ընդգծումը պետք է արվի մեր արտաքին քաղաքական օրակարգի որևէ մակարդակում, որպեսզի մենք, հասկացնենք, թե ինչպիսի դիրքորոշում ունենք այդ տարածքում կատարվող, ըստ էության, արկածախնդրային քաղաքակնության վերաբերյալ:

Ինչ վերաբերում է իրանական ներկայությանը Նախիջևանի ներսում, ապա ես այն կբնորոշեի անտեսանելի, անսահմանափակ, որքան էլ պարադոքսալ թվա:

Եթե թեկուզ մենք մի պահ պատկերացնենք, որ Իրանը փակում է «մայրցամաքային» Ադրբեջանի կապը Նախիջևանի հետ, ապա, ըստ էության, այդ կապը կտրվում է: Այլ ճանապարհ կա՝ Վրաստան-Թուրքիա-Նախիջևան ճանապարհը, բայց այն ոչ մի առումով համեմատելի չէ իրանական կարճ ուղու հետ:

Եթե մի պահ Իրանը դադարեցնի Նախիջևանի գազի մատակարարումը, այդ պարագայում, Ի. Ալիևի քարոզչական փուչիկի կարևորագույն բաղադրիչը, ըստ որի՝ Նախիջևանի Ինքնավար Հանրապետությունը գրեթե 100 տոկոսով գազաֆիկացված է, դառնում է զրո:

Եթե իրանցիները արգելեն իրենց զբոսաշրջիկներին մուտք գործել Նախիջևան, ապա Նախիջևանի զբոսաշրջային ինդուստրիան, որի մեջ զգալի ներդրումներ են արվել, կանգնում է: Այսինքն՝ ունեն հզոր լծակներ՝ կիրառելու այս տարածքի հանդեպ: Ես նշեցի միայն տնտեսական լծակները:

Իրանցիները փորձում են Նախիջևանի տարածքը բացել Հայաստանի համար, իրանցիներն այդ մասին բանակցել են նախիջևանյան կողմի հետ, որպեսզի թույլատրվի գոնե իրանական բեռնատարներին այդ ճանապարհով Հայաստան հասնել, ստացել են մերժում:

Մենք պետք է մասնակցենք Նախիջևանի համար մղվող մրցակցությանը, դա շատ դեպքերում կարող ենք անել փափուկ ուժի բազմաթիվ լծակներ կիրառելով»:

Մանրամասն՝ տեսանյութում:

 

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4