Rss Feed
Tweeter button
Facebook button
Technorati button
Reddit button
Myspace button
Linkedin button
Webonews button
Delicious button
Digg button
Flickr button
Stumbleupon button
Newsvine button
Youtube button
October 22, 2018

Գործարարներն այսուհետ ազատված են Բաղրամյան 26 ճամպրուկներով փող տանելու պարտականությունից. Փաշինյան

Հայաստանի վարչապետ Նիկոլ Փաշինյանն անդրադարձել է խոսակցություններին, թե այն գործարարները, որոնց նկատմամբ հարկային տուգանքներ են դրվել, ենթարկվում են հետապնդումների և ռեպրեսիաների: Ազգային ժողովում լրագրողների հետ զրույցում ՀՀ վարչապետն ընդգծեց, որ ոչ ոք չի խոսում այդ նույն գործարարների հետ իր հանդիպման մասին: «Ես նրանց ասել եմ, հարգելի գործարարներ, ես չգիտեմ, թե դուք ամիսը քանի անգամ ու ինչ չափի ճամպրուկներով ինչ եք բերել Բաղրամյան 26, բայց այս պահից դուք ազատված եք այդ պարտականություններից: Ես հարցրել  եմ՝ եղե՞լ է այդպիսի մեխանիզմ, նրանք ասել են, այո, եղել է: Ոչ ոք չի ասում, որ գործող կառավարությունն այդ նույն հետապնդվող գործարարներին ճամպրուկներով փող է նվիրել: Այսինքն, եթե նրանք ազատված են այդ փողերը ինձ բերելու պարտավորությունից, նշանակում է, որ կառավարությունը նրանց նվիրել է այդ գումարները»,-  նշեց նա:

Հարցին, թե դրանք չմուծված հարկերի ճամպրուկներն ե՞ն, որոնք բյուջե են գնալու, Նիկոլ Փաշինյանը պատասխանեց. «Այո, ճամպրուկների այն մասը, որ պետք է գա բյուջե, գալու է բյուջե, իսկ մյուս մասը ես հույս ունեմ, որ իրենք ոչ թե շվեյցարական բանկեր կտանեն, այլ կներդնեն Հայաստանի տնտեսության մեջ»:

Լրագրողներից մեկը նկատեց, որ Նիկոլ Փաշինյանը Բաղրամյան 26 ճամպրուկներ տանելու մասին հայտարարությամբ հանցագործության մասին հաղորդում է տալիս և հարցրեց՝ ԱԱԾ-ն զբաղվելո՞ւ է դրանով: Նիկոլ Փաշինյանը նշեց, որ ԱԱԾ-ն ամեն ինչով էլ զբաղվելու է, սակայն ընդգծեց, որ մի բան է քաղաքական հայտարարություն անելը, ուրիշ բան քրեական դատավարությունը: «Մենք կարող ենք քաղաքական համոզմունք ունենալ և նույնիսկ արձանագրել ճշմարտություններ, բայց մենք չենք կարող արձակել դատավճիռներ: Դատավճիռներ արձակում է դատարանը, որն այլևս Բաղրամյան 26-ից հրահանգներ չի ստանում և որը կարող է վճիռներ կայացնել միայն որևէ գործում ապացույցների առկայության հիման վրա»:

Դիտարկմանը, թե այդ հայտարարության հիման վրա ԱԱԾ-ն կարող է գործ հարուցել, վարչապետը պատասխանեց. «Դե թող հարուցի»:

Անդրադառնալով հարցին՝ հնարավո՞ր է, որ ՀՀԿ-ն լքած գործարարներն արտահերթ ընտրություններին մասնակցեն «Ելք» դաշինքի ցուցակով, եթե որոշում կայացվի, որ ընտրությունների են գնում «Ելք» դաշինքով, Նիկոլ Փաշինյանը պատասխանեց. «Ես այդ գործարարներին հարցրել եմ՝ բացատրեք, թե ձեր ինչի՞ն է պետք պատգամավոր լինելը: Եվ շատ հաճախ ինձ տրվում է բացատրություն, որ մենք բացարձակապես չենք ուզում լինել պատգամավոր, մեզ ասում են գնա դարձիր պատգամավորի թեկնածու և ձայներ հավաքիր մեզ համար: Ես արդեն իմ ելույթում արդեն ասել եմ, որ գործարարի կարգավիճակը պետք է լինի պատվաբեր: Մարդիկ պետք է զգան, որ պետությունը և ժողովուրդը շնորհակալ են օրինապահ գործարարներից, որոնք շահույթ են ստանում, բայց միևնույն ժամանակ ուրիշների համար աշխատատեղեր են ստեղծում և պետության համար եկամուտներ են ապահովում: Եվ գործարարները չպետք է ձգտեն լինել պատգամավոր, որովհետև պետությունը պետք է երաշխավորի գործարարների բիզնեսի անվտանգությունը: Մենք չենք պատրաստվում գործարարների հետ ոչ մի տոկոս փայ մտնել»:

Փաշինյանը վստահեցրեց, որ գործարարների հետ որևէ ստվերային պայմանավորվածություններ ձեռք չի բերել: Նա ընդգծեց, որ կամ գործարարները պետք է աշխատեն օրենքով, կամ չաշխատեն, իսկ պայմանավորվածություն չի կարող լինել:

1in.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4