July 23, 2018

Ես ձեր նման՝ տարիներով երազում էի այս օրը, և լիովին հպարտանում եմ ձեր կողքին կանգնելով․ Սերժ Թանկյան

Աշխարհահռչակ ռոք երաժիշտ Սերժ Թանկյանը, ով այսօր երեկոյան ժամանեց Երևան, կարճատև ելույթ ունեցավ իր դիմավորման համար Հանրապետության հրապարակում անցկացված հանրահավաքում:

«Իմ սիրելի, հաղթական ժողովուրդ՝ մեր ազատ, անկախ և երջանիկ Հայաստանի: Շատ կներեք, որ մի քիչ ֆիզիկապես ուշացա այս գեղեցիկ հեղափոխությանը, բայց հավատացեք, որ վերջին երկու-երեք շաբաթը հոգեպես եղած եմ այստեղ, ձեր հետ: Եվ ոչ միայն ես, այլ բոլոր սփյուռքահայությունը», – հայտարարեց աշխարհահռչակ երաժիշտը՝ շնորհակալություն հայտնելով հայաստանցիներին՝ «որ կարողացաք ձեր խաղաղ ցույցերով ստեղծել հայ ազգի պարծանքին արժանի հայրենիք»:

Սերժ Թանկյանը փաստեց՝ ամբողջ աշխարհը «ձեզ է նայում իբրև դրական օրինակ»: – «Երգով, պարով ու ժպիտով հասաք ձեր նպատակին», – հավելեց նա, – «Աշխարհը տարիներ շարունակ մեզ ճանաչում է ցեղասպանությամբ, երկրաշարժով և պատերազմով, բայց այժմ՝ այս շարժումով, դուք բարձրացուցիք մեր ամբողջ հայ ժողովուրդի վարկանիշը։ Ես ձեր նման՝ տարիներով երազում էի այս օրը, և լիովին հպարտանում եմ ձեր կողքին կանգնելով»:

Հիշեցնենք, աշխարհահռչակ երգիչը վերջին շրջանում պարբերաբար ուղերձներով է հանդես գալիս Հայաստանում ծավալվող իրադարձությունների կապակցությամբ՝ ողջունելով ժողովրդական շարժումը:

Իր ուղերձներից մեկում Թանկյանը խոստացել էր շուտով Հայաստանում լինել։

azatutyun.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4