Rss Feed
Tweeter button
Facebook button
Technorati button
Reddit button
Myspace button
Linkedin button
Webonews button
Delicious button
Digg button
Flickr button
Stumbleupon button
Newsvine button
Youtube button
January 18, 2019

Շէյքսփիրի ծննդավայրին մէջ ծածանեցաւ Հայաստանի դրօշը (Տեսանիւթ)

Մեծ Բրիտանիոյ Էյվընի Սթրաթֆորտ (Stratford-upon-Avon) քաղաքի կեդրոնին մէջ առաջին անգամ բըլլալով արձրացած է Հայաստանի դրօշը:

Առիթը Շէյքսփիրի ծննդեան ամենամեայ շքերթն էր, որ 1960-ականներէն ի վեր ամէն տարի 21 ապրիլին կ’իրականացուի աշխարհահռչակ թատերագիրի ծննդավայրին մէջ:

Մեծանուն գրողի ծննդեան օրը իր հարազատ քաղաքի իշխանութիւնները կը նշեն՝ առնուազն 200 տարի շարունակ, սակայն շքերթը համեմատաբար նոր աւանդոյթ է: Անոր կը մասնակցին տարածքի բազմաթիւ դպրոցներ, հասարակական կազմակերպութիւններ եւ օտարերկրացի շէյքսփիրասէրներ:

Հայաստանը ներկայացնելու մտայղացման հեղինակն է սփիւռքահայ Անաիս Վանեան-Քուփէրը, որ Շէյքսփիրի դստեր տուն-թանգարանի տնօրէնն է Սթրաթֆորտի մէջ: Ան երկու տարի է կը բանակցէր Լոնտոնի մէջ ՀՀ դեսպանութեան հետ, որպէսզի միասին ներկայացնեն Հայաստանը:

Այն, որ այս տարի եռագոյնը ծածանեցաւ քաղաքի ամենակարեւոր տօնին, ի թիւս Չինաստանի, Ճափոնի, Ֆրանսայի եւ այլոց պետական դրօշներու, ան, իբրեւ հայաստանասէր հայ, կը համարէ նաեւ անձնական նուաճում:

Սթրաթֆորտի գլխաւոր տեսարժան վայրերէն մէկուն՝ Hall’s Croft-ի տնօրէնը  շքերթին հագած էր իր նախնիներու հայրենիք Ակնի տարազը  եւ ներկայացած որպէս հայկական փոքրաթիւ խումբի անդամ, այլ ոչ՝ Shakespeare Birthplace Trust-ի՝ Սթրաթֆորտի մէջ Շէյքսփիրեան ժառանգութեան հոգաբարձու կազմակերպութեան աշխատող:

 

Հայաստանը ներկայացնող խումբը Holy Trinity եկեղեցւոյ բակէն ներս

Լոնտոնի մէջ ՀՀ դեսպանատունէն ժամանած էր հիւպատոս Հայարփի Դրմէյեանը: Թէ՛ հիւպատոսը եւ թէ՛ Վանեան-Քուփէրը, յոյսով են, որ սա կը դառնայ աւանդոյթ, եւ Հայաստանը, որպէս շէյքսփիրասէրներու երկիր, կը շարունակէ իր մասնակցութիւնն ամենամեայ տօնախմբութեան: Աւարտին խումբը ծաղիկներ տեղադրած է հանճարեղ բանաստեղծի դամբարանին Holy Trinity եկեղեցւոյ մէջ՝ Էյվըն գետի ափին:

2016-ին Մեծ Բրիտանիան պետական մակարդակով, շուքով նշեց Ուիլիըմ Շէյքսփիրի մահուան 400 տարին: Այդ տարի 21 ապրիլին անոր ծննդավայր Սթրաթֆորտը յեղեղած էին բեմական արուեստի աստղերն ու արքայազն Չարլզը: 

arevelk.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4