July 23, 2018

ԿՈՉ ՍՓՅՈՒՌՔԻՑ Հայաստանի Հանրապետության ոստիկանությանը

Հայաստանի Հանրապետության հարգելի ոստիկաններ, ծառայության անցնելուց առաջ, ՀՀ պետական դրոշի առջև դուք երդվել եք հավատարիմ լինել Հայաստանի Հանրապետության սահմանադրական կարգին, անվերապահորեն ղեկավարվել օրենքներով, արդար և անկողմնակալ  իրականացնել ձեր լիազորությունները, պաշտպանել հայրենիքը, ազնիվ և բարեխիղճ կատարել ձեր ծառայողական պարտականությունները:

Կատարե՛ք ձեր պարտականությունները ըստ ձեր երդման, պաշտպանե՛ք ՀՀ ապագայի համար ոտքի ելած մեր վառ երիտասարդության խաղաղ ընդվզումը եւ միացեք հարազատ ժողովրդին:

Հայաստանի Հանրապետության ապագան կերտվում է այսօր:

Երկրի ողջ տարածքով ծավալվում է ժողովրդի արդարացի եւ խաղաղ պայքարը ընդդեմ ազգակործան, կոռումպացված իշխանությունների եւ նրանց օժանդակող օլիգարխիայի:

Մեր հպարտ ժողովուրդը  պայքարում է արդարության, իր հայրենիքի ազատության եւ անկախության համար, մեր բոլորի ոտնահարված ազգային արժանապատվության եւ մարդկային իրավունքների համար:

ՀՀ ոտքից գլուխ կոռումպացված իշխանությունների միակ հենարանը այսօր մնացել եք դուք՝ ձեր մահակներով, ձեր վահանակներով եւ ձեր զինանոցով:

Սփյուռքի տարբեր համայնքներում եւս մեր հայրենակիցները զանգվածաբար իրենց աջակցությունն են բերում եւ զորակցում Հայաստանի մեր եղբայրներին ու քույրերին:

Սիրելի ոստիկաններ, դուք այս ժողովրդի զավակներն եք, եղե՛ք նրա հետ, միացեք արդարության այս երթին:

 

Եվրոպայի Հայերի Համագումար

Ուփսալա, Շվեդիա

19 ապրիլ 2018 թ.

contact@aaeurop.com

www.aaeurop.com

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4