Rss Feed
Tweeter button
Facebook button
Technorati button
Reddit button
Myspace button
Linkedin button
Webonews button
Delicious button
Digg button
Flickr button
Stumbleupon button
Newsvine button
Youtube button
December 12, 2018

Թուրքիան եւ Ադրբեջանը մեկ նպատակ են հետապնդում՝ հայերին ոչնչացնելու. Լարիսա Ալավերդյան

Թուրքիան եւ Ադրբեջանը մեկ նպատակ են հետապնդում՝ «լուծել» հայկական հարցը: Այս մասին «Մեդիակենտրոնում» կայացած մամուլի ասուլիսում ասաց Հայաստանի առաջին օմբուդսմեն Լարիսա Ալավերդյանը:

Նրա խոսքով՝ անցյալ դարի վերջին Սումգայիթում, Բաքվում, Ադրբեջանի այլ քաղաքներում հայերի ջարդերը Թուրքիայի կողմից սկսված Հայոց ցեղասպանության շարունակությունն էին:

«Ադրբեջանի եւ Թուրքիայի համար առանձին ղարաբաղյան հարց չկա: Կա հայերին ոչնչացնելու հարցը: Սա սկսվել է Օսմանյան եւ շարունակվել դեմոկրատական Թուրքիայում: Կարեւոր չէ՝ Ադրբեջանը անկախ է, թե խորհրդային, մոտեցումները նույնն են: Ինչպես վերջերս հայտարարեց Իլհամ Ալիեւը, ռազմավարական նպատակը Հայաստանի տարածքները ձեռք գցելն է»,- հայտարարեց Ալավերդյանը: Այս կապակցությամբ նա հիշեցրեց, որ 2019 թվականին Ադրբեջանը, դիմելով Փարիզյան համաժողովին, ներկայացրել էր Բաքվից մինչեւ Բաթումի իր տարածքները՝ ընդգրկելով թուրքական Իգդիրը, Դաղստանը, Վրաստանի շրջանները:

Նրա խոսքով՝ անհրաժեշտ է Հայաստանի խորհրդարանի հայտարարություն ընդունել, որի մեջ ամեն ինչ իրենց անուններով կկոչվեին: Եվ սպանդի հետեւանքով տուժածներին հատուկ կարգավիճակ տալ: «Արցախի հարցը պետք է դիտարկել ոչ թե որպես ինքնորոշման հարց, այլ Ադրբեջանի կազմակերպած ցեղասպանությունից փրկության»,- շեշտեց Ալավերդյանը:

Հընթացս նա կարծիք հայտնեց հարցի քննարկումը ԵԱՀԿ ՄԽ-ից այլ ձեւաչափ տեղափոխելու անհրաժեշտության մասին: Հատկապես ինչպիսի՝ Ալավերդյանը չհայտնեց: «Գոյություն ունեցող ձեւաչափը բերում է պարիտետի փորձերի: Ո՞ւմ մտքով կանցնի ֆաշիստների եւ հրեաների հաշտեցման կոչեր անել»,- նշեց Լարիսա Ալավերդյանը:

news.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4