May 20, 2018

Պատմական Անին կը շարունակէ գրաւել զբօսաշրջիկներու սիրտը

Թրքական «Անատոլու» գործակալութիւնը անդրադարձած է հին հայկական մայրաքաղաքներէն Անիին` զայն անուանելով «քաղաքակրթութիւններու օրրան»:

«Թուրքիոյ եւ Հայաստանի սահմանին, ժամանակակից Կարս նահանգի Արփաչայ շրջանի մօտ գտնուող Անին 961-1045 թուականներուն եղած է հայկական Բագրատունի թագաւորական տոհմի մայրաքաղաքը»,-  «Թերթ.am»-ի փոխանցմամբ՝ կը գրէ թրքական գործակալութիւնը` միաժամանակ նաեւ շեշտելով, որ տարածքին մէջ իշխած ու ապրած են բազմաթիւ ժողովուրդներ` ռուսերէն մինչեւ իրանցիներ ու սելճուքներ:

Կարսի պատմութեան թանգարանի տնօրէն Նեճմեթթին Ալփը լրագրողներու հետ զրոյցի ընթացքին նշած է, որ այս ձմեռ Անի շտապող զբօսաշրջիկներուն թիւը եռապատկուած է, եւ ան դարձած է տեղի ամենայայտնի զբօսաշրջային ուղղութիւններէն մէկը:

«Մարդիկ կու գան այստեղ տեսնելու Կարսի պատմութիւնը, Սարիղամիշը, Չըլտըր լիճը, եկողները անպայման Անին ալ կը տեսնեն:

«Այս ձմեռ զբօսաշրջիկներուն թիւը եռապատկուած է, Աստուած տայ` միւս տարի ալ նոյն ցուցանիշները ունենանք: Կը կարծեմ, որ ատիկա նաեւ իր նպաստաւոր դերը պիտի ունենայ Անիի պատմական կառոյցներու վերանորոգման ծրագիրներու արագացման գործին մէջ», – ըսած է Ալփը:

Ան նշած է, որ տեղացի զբօսաշրջիկներու մեծ մասը այստեղ կու գան հիմնականօրէն Անիի Մայր տաճարի, ինչպէս նաեւ Անատոլիոյ տարածքին առաջին թրքական մզկիթը համարուող Ապուլ Մանուչեհրի մզկիթը տեսնելու համար:

Ամիսներ առաջ BBC-ի թրքալեզու ծառայութիւնը յատուկ անդրադարձ կատարած էր Անիի պատմութեան ու զայն անուանած «մոռացուած կայսրութեան մայրաքաղաք»:

«Այստեղ մնացած բազմաթիւ եկեղեցիներու աւերակները, կարծես, լքուած քաղաքի լուռ պահակներն են», – գրած էր ծառայութեան թուրք թղթակիցը` աւելցնելով, որ Բագրատունեաց թագաւորութեան օրերուն` Անիի տնտեսական հզօր կեդրոն եղած ժամանակ, այստեղի բնակչութիւնը անցած է 100 000-ը:

Թուրք թղթակիցը նաեւ շեշտած էր, որ UNESCO-ի համաշխարհային մշակութային ժառանգութեան ցուցակին մէջ տեղ գտած Անիի պատմամշակութային ժառանգութեան շուրջ բանավէճերը թուրք եւ հայ պատմաբաններու միջեւ չեն դադրիր, սակայն, այնուամենայնիւ, վերջին շրջանին երկու կողմի պատմաբաններն ու հնագէտները սկսած են յիշեցնել աշխարհին Անիի մոռցուած կարեւորութեան մասին:

arevelk.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4