August 20, 2018

Ամենածանր՝ 11 տարվա ազատազրկման միջնորդությունը Ժիրայր Սեֆիլյանի համար

Մեղադրող դատախազ Հակոբ Ենոքյանը միջնորդեց ամենածանր պատժի՝ 11 տարվա ազատազրկման, դատապարտել Շուշիի առանձնակի գումարտակի հրամանատար, «Հիմնադիր խորհրդարանի» անդամ Ժիրայր Սեֆիլյանին:

Իսկ ամենամեղմ պատժի՝ 2 տարվա ազատազրկման, դատախազը միջնորդեց դատապարտել ամբաստանյալներից Հովհաննես Պետրոսյանին: «Արդարացրե՛ք, Հովհաննեսին, մե՛ղք ա». այդ պահին լսվեց Ներսես Պողոսյանի բողոքը, ով քիչ անց լքեց նիստերի դահլիճը:

Հիշեցնենք, որ Հովհաննես Պետրոսյանը «Ժիրայր Սեֆիլյան և մյուսներ» գործով ազատության մեջ գտնվող միակ ամբաստանյալի՝ Սմբատ Գալոյանի մոտ ազգականն է, ում Սեֆիլյանի պաշտպանը մեկ անգամ չէ, որ համարել է ԱԱԾ գործակալ: Ըստ պաշտպան Տիգրան Հայրապետյանի, հենց ներդրված գործակալի միջոցով էլ «սարքվել» է ողջ մեղադրանքը: Հենց Հովհաննես Պետրոսյանն է 2016 թ. մայիսի 20-ին Ծիծեռնակաբերդի խճուղում ավտոմեքենայով Հրայր Թոփչյանի հետ վթարի ենթարկվել, որից հետո ոստիկաններն արդեն Մաշտոցի բաժնում զննությամբ արձանագրել են ԱԿ-74 տեսակի երկու ինքնաձիգ՝ 120 փամփուշտներով:

Հրամանատար Ժիրայր Սեֆիլյանին մեղադրանք է առաջադրվել քրեական օրենսգրքի միանգամից երեք հոդվածներով՝ զանգվածային անկարգություններ նախապատրաստելու, ապօրինի զենք ձեռք բերելու, պահելու, փոխադրելու և շենքեր, շինություններ գրավելու նախապատրաստության:

Մյուս ամբաստանյալների պատիժների միջնորդությունները 2 տարվանից մինչև 4 տարի 6 ամսվա միջակայքում էին: Նրանք բոլորը, բացի ակտիվիստ, «Հիմնադիր խորհրդարանի» անդամ Գևորգ Սաֆարյանից, մեղադրվում են զինված կազմակերպված խմբի կազմում ապօրինի կերպով զենք պահելու և փոխադրելու մեջ:

Գևորգ Սաֆարյանը մեղադրվում է զանգվածային անկարգություններ նախապատրաստելու մեջ: Մեղադրողը միջնորդեց Գևորգ Սաֆարյանին ու Սասունիկ Կիրակոսյանին դատապարտել 4 տարի 6 ամսվա, Ներսես Պողոսյանին՝ 4, իսկ Հրայր Թոփչյանին ու Գալուստ Գրիգորյանին՝ 3-ական տարվա ազատազրկման:

Բացի Ժիրայր Սեֆիլյանից, Արցախյան պատերազմի մասնակից են նաև Հրայր Թոփչյանն ու Սասունիկ Կիրակոսյանը:

Մեղադրողի միջնորդած ազատազրկման ժամկետները լսելով՝ քաղաքացիները դժգոհության ձայն բարձրացրեցին: Ի պատասխան՝ Գևորգ Սաֆարյանն ասաց. «Ամեն ինչ նորմալ ա, ամեն ինչ տենց էլ պիտի լիներ»:

hetq.am

 

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4