October 27, 2020

Նոր մեղադրանքներ Փայլանի դէմ

Թուրքիոյ ընդդիմադիր Ժողովրդադեմոկրատական կուսակցութեան անդամ, խորհրդարանի հայազգի պատգամաւոր Կարօ Փայլան ֆրանսական France24 հեռուստաալիքին տուած հարցազրոյցի ժամանակ յայտնած էր, որ մեծ մտավախութիւններ ունի սուրիական Աֆրինի մէջ թրքական ԶՈւ-ի գործողութիւններէն տուժող խաղաղ բնակչութեան վիճակի հետ կապուած եւ եղածը համեմատած էր աւելի քան մէկ դար առաջ կատարուած հայ ժողովուրդի ցեղասպանութեան հետ:

Փայլանի այս խօսքերը մեծ իրարանցում առաջացուցած են Թուրքիոյ մէջ, երկրի իշխանամէտ մամուլը անոր մեղադրած է կողմնակալութեան, սուտ տեղեկութիւններ տարածելու եւ Թուրքիոյ դէմ ատելութիւն սերմանելու համար:

Թրքական Ensonhaber.com կայքն ալ սուտ որակած է աւելի վաղ Աֆրինի մէջ հայազգի երիտասարդի մահուան մասին լուրը ու լուրի տարածման համար մեղադրած է Փայլանի կուսակցութեան:

Թրքական Star պարբերականն ալ, իր հերթին, «Հայազգի Փայլանը Ֆրանսայի մէջ ատելութիւն կը փսխէ Թուրքիոյ վրայ» վերնագրով յօդուածին մէջ գրած է, որ ընդդիմադիր պատգամաւորը «կը շարունակէ ցեղասպանութեան մասին 100-ամեայ սուտը»:

Բացի այդ, թրքական մամուլը պնդած է, որ Փայլանը կողմնակալութիւն կը դրսեւորէ ու կը լռէ քիւրտ զինեալներու կողմէ թիրախաւորուող խաղաղ բնակիչներու մահերու մասին:

arevelk.am

Be the first to comment

Leave a Reply

Your email address will not be published.


*


4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4