August 20, 2018

Մխիթարյանը 3 գոլային փոխանցումով նպաստեց Արսենալի ջախջախիչ հաղթանակին (տեսանյութ)

Անգլիայի Պրեմիեր լիգայի 26-րդ տուրում «Արսենալը» «Էմիրեյթս» ստադիոնում ուժերը չափեց «Էվերթոնի» հետ:

Հանդիպումն ավարտվեց տանտերերի ջախջախիչ հաղթանակով` 5:1:

6-րդ րոպեին Հենրիխ Մխիթարյանի փոխանցումից հետո հանդիպման հաշիվը բացեց Աարոն Ռեմսին: 14-րդ րոպեին Լորան Կոսելնին խփեց «զինագործների» երկրորդ գոլը, իսկ 19-րդ րոպեին Աարոն Ռեմսին հաշիվը դարձրեց խոշոր:

37-րդ րոպեին Մխիթարյանի փոխանցումից հետո գոլի հեղինակ դարձավ իր նորամուտն «Արսենալում» նշող Պյեր-Էմերիկ Օբամեյանգը:

Երկրորդ խաղակեսի սկզբնամասում «Էվերթոնի» ֆուտբոլիստները սկսեցին ավելի ակտիվ գործել: Փոխարինման մտած Դոմինիկ Կալվերտ-Լյուինը կրճատեց հաշվի տարբերությունը` դարձնելով 4:1:

«Արսենալին» շատ ժամանակ չպահանջվեց 4 գնդակի առավելությունը վերականգնելու համար: 74-րդ րոպեին Մխիթարյանը գոլային փոխանցումների յուրօրինակ հեթ-տրիկ ձևակերպեց` օգնելով Ռեմսիին այս խաղում խփել իր երրորդ գոլը:

Արսեն Վենգերի գլխավորած թիմն այս հաղթանակից հետո 45 միավորով շարունակում է ընթանալ մրցաշարային աղյուսակի 6-րդ հորիզոնականով: «Էվերթոնը» 31 միավորով 10-րդ տեղում է:

«Արսենալ»-«Էվերթոն»` 5:1

Գոլերը` Ռեմսի (6, 19, 74), Կոսելնի (14), Օբամեյանգ (37) – Կալվերտ-Լյուին (64)

armsport.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4