Rss Feed
Tweeter button
Facebook button
Technorati button
Reddit button
Myspace button
Linkedin button
Webonews button
Delicious button
Digg button
Flickr button
Stumbleupon button
Newsvine button
Youtube button
November 21, 2018

Ռեժիսոր Մարիա Սահակյանի հոգեհանգիստը տեղի կունենա փետրվարի 1-ին՝ Նկարիչների միությունում

37 տարեկանում կյանքից հեռացած կինոռեժիսոր, սցենարիստ Մարիա Սահակյանի հրաժեշտի քաղաքացիական արարողութունը տեղի կունենա Նկարիչների միությունում՝ փետրվարի 1-ին՝ ժամը 12:00-ից մինչև 14:00-ն: Այս մասին Tert.am-ի հետ զրույցում ասաց Հայաստանի Կինեմատոգրաֆիստների միություն  փոխնախագահ Միքայել Դովլաթյանը: Իսկ հոգեհանգիստը տեղի կունենա փետրվարի 1-ին՝ ժամը 17:00-ին, Քանաքեռի ռուս ուղղափառ եկեղեցում:

Դովլաթյանը դժվարանում էր խոսել Մարիա Սահակյանի մասին՝ նշելով, որ իր համար շատ բարդ է, կորուստն էլ շատ ծանր է. «Նա շատ պայծառ մարդ էր, մարդ՝ հետո կինոռեժիսոր, ինքը մարդ էր:  Շատ ծանր կորուստ է, շատ պայծառ ու իր գործերի մեջ պինդ մարդ հեռացավ կյանքից, նա նկարում էր մի ուրիշ կինո, որը նման չէ ուրիշների կինոյին»:

Մարիա Սահակյանի հուղարկավորությունը տեղի կունենա փետրվարի 2-ին՝ Սանահինում:

Ի դեպ` ռեժիսորի հոգեհանգիստը Հայաստանի Կինեմատոգրաֆիստների միությունում չի կայանա, քանի որ դահլիճը վերանորոգվում է:

Նշենք, որ Մարիա Սահակյանը ծնվել է 1980 թվականի հուլիսի 24-ին Երևանում։ 1993 թվականին ընտանիքի հետ տեղափոխվել է Ռուսաստան: 1996 թվականին Սահակյանն ընդունվում է Մոսկվայի Գերասիմովի անվան կինեմատոգրաֆիայի համառուսական պետական ինստիտուտ (ՎԳԻԿ)՝ կինոյի և հեռուստատեսության ռեժիսուրայի ֆակուլտետ:

2003 թվականին ավարտում է ուսումը՝ «Հրաժեշտ» դիպլոմային աշխատանքով։ Ֆիլմը ցուցադրվել է Օբերհաուզենի կինոփառատոնին, Ֆրանսիայի Անժեր քաղաքում տեղի ունեցած «Premier Plans» կինոփառատոնին, Հոլանդիայի «International Filmfestival Rotterdam»-ի պաշտոնական ծրագրում, Telluride Film Festival-ում և այլն։ Ֆիլմն արժանացել է «Ոսկե ծիրան»փառատոնի գրան պրիի, Իտալիայի Ֆանո քաղաքում տեղի ունեցած միջազգային կինոփառատոնում հատուկ նշման, ՎԳԻԿ-ի փառատոնին Կոդակ ընկերությունից ստացել է մրցանակ և փառատոնի կողմից՝ «Սուրբ Աննա» դիպլոմ:

Մարիս Սահակյանի առաջին լիամետրաժ կինոնկարը՝ «Փարոսը»-ն էր, որը ներկայացվել է Մոսկվայի միջազգային կինոփառատոնին «Հեռանկարներ» ծրագրում, իսկ երևանյան «Կին» միջազգային կինոփառատոնում մրցանակի է արժանացել «Լավագույն ֆիլմ» անվանակարգում:

Այս տարվա հոկտեմբերին Մարիա Սահակյանի հեղինակած «Ալավերդի» կինոնկարը մասնակցեց Լոնդոնի միջազգային փառատոնին: Ռեժիսորի «Ալավերդի» կամ «Այդ ես չեմ» ֆիլմը արժանացավ «Հայակ» մրցանակի «Լավագույն ֆիլմ» անվանակարգում։

«Այդ ես չեմ»-ը արժանացավ նաև «Կինոշոկի» Լավագույն ռեժիսորական աշխատանք մրցանակի:

tert.am

 

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4