Թրքական ԶԼՄ-ները Աֆրինի պատերազմին մասին կեղծ տեսանիւթեր կը տարածեն

Թրքական «Զաման» թերթին համաձայն, Թուրքիոյ լրատուամիջոցները Աֆրինի պատերազմին շուրջ կեղծ տեսագրութիւններ կը տարածեն, սակայն անոնք իրականութեան մէջ «Medal of Honor» համակարգչային խաղէն առնուած հատուածներ են:

Նշուած է, որ «Հապէրթուրք» կայանի եւ «Միլլիէթ» թերթի հրապարակած տեսագրութիւններու վերին հատուածին մէջ նկատելի է «W M82» եւ «L 005» գրութիւնները, որոնք նշեալ խաղին վերաբերող նշաններ են:

Թերթը բացայայտած է նաեւ, որ իշխանամէտ «A Haber» կայանին հրապարակած լուսանկարները, որոնք իբրեւ թէ Աֆրինի մէջ թուրք զինուորներու կատարած գործողութիւններուն կը վերաբերին, իրականութեան մէջ 2004 թուականի հայ-ատրպէյճանական մարտերուն վերաբերող լուսանկարներ են:

arevelk.am