«Սասնա ծռեր» խմբի անդամ Արայիկ Խանդոյանը նախօրեին հացադուլ է հայտարարել՝ ի նշան բողոքի, որ իրեն տեղափոխել են պատժախուց եւ ի աջակցություն հացադուլ հայտարարած Սմբատ Բարսեղյանի եւ Արմեն Բիլյանի:
NEWS.am-ի հետ զրույցում Խանդոյանի պաշտպան Արայիկ Պապիկյանը նշեց, որ իր պաշտպանյալին երեկ երեկոյան են տեղափոխել պատժախուց, որից հետո նա հացադուլ է հայտարարել:
«10 օր ժամկետով պատժախուց են տեղափոխել, քանի որ ըստ իրենց պարզաբանման, Արայիկ Խանդոյանի մոտ արգելված իր են հայտնաբերել: Ես դեռ թղթերը չեմ ստացել եւ չգիտեմ՝ ինչի մասին է խոսքը, բայց 10 օրն ամենախիստ պատիժն է»,- ասաց Արայիկ Պապիկյանը:
Պաշտպանի խոսքով, Խանդոյանի վիճակը նորմալ է:
news.am
Leave a Reply