Երեք ամերիկացիներ ավելի հարուստ են, քան ԱՄՆ-ի բնակչության կեսը

Երեք ամենահարուստ ամերիկացիների՝ Amazon-ի հիմնադիր Ջեֆ Բեզոսի, Microsoft-ի հիմանդիրներից մեկի՝ Բիլ Գեյթսի եւ ներդրող Ուորեն Բաֆետի միագումար կարողությունն ավելի մեծ է, քան ԱՄՆ-ի բնակչության ամենաաղքատ կեսի, այսինքն՝ 160 միլիոն մարդու ընդհանուր կարողությունը: Այս մասին ասված է ամերիկյան Institute for Policy Studies-ի հետազոտության մեջ:
Forbes հանդեսի վարկանիշի համաձայն՝ վերոհիշյալ գործարարների միագումար կապիտալը գնահատվում է 250 միլիարդ դոլար: Զեկույցում նշված է, որ ԱՄՆ-ի 25 ամենահարուստ միլիարդատերերի, այդ թվում՝ Facebook-ի հիմնադիր Մարկ Ցուկերբերգի եւ Google-ի ստեղծողներ Լարի Փեյջի եւ Սերգեյ Բրինի, կարողությունը գնահատվում է մեկ տրիլիոն դոլար:
Ամերիկյան միջին ընտանիքի կարողությունն, առանց հաշվի առնելու ավտոմոբիլի արժեքը, գնահատվում է 80 հազար դոլար: Ամենահարուստների եւ ամենաաղքատների միջեւ անջրպետն աճում է, արձանագրում են փորձագետները: Նրանք առաջարկում են կապիտալի չափազանց կենտրոնացման դեմ պայքարել հարկերի միջոցով:

168.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,