Գերմանացիները կծանոթանան հայկական մշակույթին եւ պատմությանը. Քյոլնում մեկնարկում են հայ մշակույթի օրերը

Գերմանիայի Քյոլն քաղաքում հոկտեմբերի 20-ին կմեկնարկեն հայ մշակույթի օրերը: «Արմենպրես»-ի հետ զրույցում այս մասին տեղեկացրեց Գերմանիայի առաջնորդարանի թեմական խորհրդի ատենապետ Սերովբէ Օտապաշեանը:
«Մշակութային օրերը ներկայացնում են հայ մշակույթի բոլոր առավելությունները, անցյալն ու պատմությունը: Այս բոլորը պետք է ներկայացնենք գերմանացիներին, այսինքն՝ գաղափարը՝ հայ մշակույթն ու հայոց պատմությունը ծանոթացնելն է նրանց, ովքեր ծանոթ չեն: Այն առաջին հերթին ուղղված է գերմանացիներին եւ հայ երիտասարդ սերնդին»,-ասաց նա:
Ատենապետը ներկայացրեց, որ նման միջոցառումները կազմակերպելու միտքն առաջացել է դեռեւս 2001 թվականից եւ հիմնականում իրականացվում է 5 կամ 6 ծրագիր:
«Այս տարի, օրինակ, նախատեսված է 5 ծրագիր: Առաջինը բեմադրություն է հայ մշակույթի եւ պատմության մասին, երկրորդը Ռաֆայել Թովմասյանի գրքի շնորհանդեսն է: Գիրքը Սփյուռքում, մասնավորապես՝ Գերմանիայում ծնված հայ երիտասարդների հոգեբանության, հայի ինքնության մասին է, թե ինչպես է այդ երիտասարդն ապրում ու գոյատեւում: Հաջորդ ծրագիրը նախատեսում է «Խոստումը» ֆիլմի դիտումը: Միջոցառումների շրջանակում համերգով ելույթ է ունենալու «Neuberin» հայկական նվագախումբը, որը կատարելու է Արամ Խաչատրյանի, Կոմիտասի, Առնո Բաբաջանյանի ստեղծագործությունները: Հաջորդ ծրագիրը կրկին երաժշտական է, բայց արդի հայկական եւ եվրոպական: Ելույթներով հանդես են գալու Արեն Էմիրզյանն ու ընկերները»,-նշեց Սերովբե Օտապաշեանը եւ հավելեց, որ մշակութային հանձնախումբը պատկանում է Քյոլնի առաջնորդարանին, ում նախաձեռնությամբ եւ օժանդակությամբ, ինչպես նաեւ հայ համայնքների օժանդակությամբ էլ իրականացվում են նախատեսված ծրագրերը:
Միջոցառումներին ներգրավված են եւ հայեր, եւ գերմանացիներ: Ելույթ են ունենալու օրինակ՝ Անահիտ Թոփչյանը, Էդուարդ Թոփչյանը ու նվագախումբը, Արա Պետրոսյանը եւ այլն:
«Բոլոր ծրագրերը, կարելի է ասել, շատ հաջող են, սակայն գերմանացիներն ավելի հետաքրքրված են, քան հայերը: Ինչպես նախկինում, այսօր եւս կենտրոնացած ենք գերմանացիների, միեւնույն ժամանակ հայ նոր սերնդի հետաքրքրությունը արթնացնելու ուղղությամբ»,-եզրափակեց նա:

168.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,