Կատալոնիայում կրքերը բորբոքվում են. «Ժողովրդավարության ընթացքը ոչ ոք չի կարող կասեցնել»

Կատալոնական խորհրդարանն անցումային ժամանակաշրջանի մասին օրենք է ընդունել, ինչն անկախության կողմնակիցների կարծիքով, իրավաբանական հիմք կհանդիսանա Իսպանիայի կազմից ինքնավար շրջանի դուրս գալու համար, հաղորդում է BBC-ն:
Փաստաթուղթն ուժի մեջ կմտնի միայն այն դեպքում, եթե Կատալոնիայի անկախության կողմնակիցները հաղթանակ տանեն հանրաքվեի ժամանակ: Օրենքը կգործի 2 ամիս՝ մինչ խորհրդարանական հանրապետության ձեւավորման գործընթացի մեկնարկը:
Ավելի վաղ Կատալոնիայի խորհրդարանը (Ժեներալիտետը) հանրաքվեի անցկացման մասին օրենք էր ընդունել:
Կատալոնիայի կառավարության ղեկավար Կառլես Պուչդեմոնի խոսքերով, հանրաքվեի անցկացման որոշումը միաձայն է ընդունվել:

Միեւնույն ժամանակ Իսպանիայի Սահմանադրական դատարանը կասեցրել է բոլոր այդ փաստաթղթերի գործողությունները: Իսպանիայի իշխանությունները նաեւ նախազգուշացրել են կատալոնյան լրատվամիջոցներին, պետական ծառայողներին եւ իրավապահներին, որ դատական որոշումներին չենթարկվելու դեպքում կենթարկվեն պատասխանատվության:
Ի պատասխան Սահմանադրական դատարանի որոշման, Կառլես Պուչդեմոնը հայտարարել է, որ Կատալոնիայում ժողովրդավարության ընթացքը ոչ ոք չի կարող կասեցնել:
Կատալոնիայի իշխանությունները նախատեսել են անկախության հանրաքվեն անցկացնել հոկտեմբերի 1-ին:

Աղբյուր՝ BBC
Թարգմ.՝ Էդուարդ Մխիթարյան

galatv.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,