Նոր աղետ. Թեղուտի հանքավայրի պոչհանքը «կուլ է տալիս» անտառը, լցվում Շնող գետը

«Հայաստանի կանաչների միության» նախագահ Հակոբ Սանասարյանն այսօր «Պոստ սկրիպտում» մամուլի ակումբում լրագրողների հետ հանդիպմանը տեղեկացրեց, որ օրերս է եղել Լոռու մարզի Թեղուտի հանքավայրում եւ արձանագրել հանքի շահագործման կոպիտ խախտումներ:
«Շահագործող ընկերությունը՝ «Վալեքս»-ը, ասում էր, որ կառուցելու են պոչամբար, պոչհանք տեղավորող մեկ այլ կառույց, որի հատակը մեկուսացնելու են, իսկ  պոչամբարից եւ պոչհանքից շրջակա միջավայր գնացող վտանգը զրոյացվելու է: Այդպես չէ: Պատվարը սխալ է կառուցված: Անտառը հատեցին, իսկ հիմա պոչհանքը լցվում է կտրած ծառերի եւ բուսականության վրա, «կուլ տալիս»…այսինքն՝ զրո մեկուսացում: Ձորի մեջտեղում պետք է պատվար դրվեր, բայց դրել են վերջնամասում՝ Շնողից ոչ հեռու: 260 մետրից ավելի պետք է լինի պոչամբարի բարձրությունը: Սա ստախոսություն է, քանի որ միշտ ասում էին, թե Թեղուտի հանքավայրը չափանիշ է դառնալու»,-պատմեց Հակոբ Սանասարյանը:

Նրա փոխանցմամբ՝ պոչհանքը լցվում է Շնող գետը, որը Դեբեդի վտակն է. «Շնողում ութ տեսակի ձուկ կար, հիմա չկա, անգամ միջատներ ու գորտեր չկան, շնողցիների  այգիներն էլ այդ ջրով ոռոգելուց հետո չորացել են»: Բնապահպանը նշեց, որ Թեղուտի հանքավայրը շահագործող ընկերությունը մտադիր է շահագործել նաեւ հարակից որոշ հանքավայրեր, որտեղ կան պղինձ, մոլիբդեն, ուրան. «Այդ տարածքները կազմում են 14 000 հեկտար: Դրանց հարակից բնակավայրերն ու տարածքները եւս կմեռնեն»:

 

 

Լուիզա ՍՈՒՔԻԱՍՅԱՆ
Լուսանկարները տրամադրել է Հակոբ Սանասարյանը

aravot.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,