Կես տարում Հայաստանի պետական պարտքը 3,3%-ով աճել է

Սեդա Հերգնյան

Այս տարվա հունիսի վերջի դրությամբ Հայաստանի պետական  պարտքը կազմել է շուրջ 6.141 մլրդ ԱՄՆ դոլար։ Վերջին մեկ ամսում այն  ավելացել է  45,8 մլն դոլարով կամ 0,7%-ով։

Այս մասին են վկայում Ազգային վիճակագրական ծառայության հրապարակած տվյալները (ՀՀ ԱՎԾ)։ Իսկ տարեսկզբից (2016-ի դեկտեմբերի վերջի համեմատ) Հայաստանի պարտքն աճել է  199 մլն դոլարով կամ 3,3%-ով։

Ըստ ՀՀ ԱՎԾ տվյալների

Նախորդ տարվանից սկսած` ներքին պարտքն ավելի արագ տեմպով է աճում, քան արտաքինը։

Այսպես, հունիսի վերջի դրությամբ Հայաստանի արտաքին պետպարտքը կազմել է 4.942 մլրդ դոլար։ Վերջին մեկ ամսում այն աճել է 18 մլն դոլարով կամ 0,4%-ով, իսկ տարեսկզբից՝ 137 մլն դոլարով կամ 2,8%-ով։

Նշենք, որ արտաքին պարտքի շուրջ 89%-ը Կառավարությանն է, մնացածը՝ Կենտրոնական բանկինը։

Իսկ ներքին պարտքը հունիսի վերջի տվյալներով 1.198 մլրդ դոլար է։ Այն վերջին մեկ ամսում աճել է 27.7 մլն դոլարով կամ 2,4%-ով, իսկ տարեսկզբից՝ 62  մլն դոլարով կամ 5,5%-ով։

Ըստ ՀՀ ԱՎԾ տվյալների

Իսկ դրամով հաշվարկած  Հայաստանի պետական պարտքն այս տարվա առաջին կիսամյակի վերջի դրությամբ կազմում է  շուրջ  2.952 տրլն դրամ, որից 2.376 տրլն դրամը արտաքին պարտքն  է, 576 մլրդ դրամը՝ ներքինը։

hetq.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,