September 18, 2021

Յուրի Ջորկաեֆը ուզում է մարզել Հայաստանի հավաքականը

1998թ. ֆուտբոլի աշխարհի չեմպիոն, Ֆրանսիայի ազգային հավաքականի նախկին խաղացող Յուրի Ջորկաեֆը իր կարիերայի ապագայի մասին բավականին հետաքրքիր հայտարարություն է արել։ Նա ասել է, որ մտադիր է մարզել Հայաստանի ֆուտբոլի հավաքականը։ Francefootball.fr-ին հայտնի մարզիկը հայտնել է, որ դեռ պաշտոնական առաջարկ չի ստացել Հայաստանի ֆուտբոլի ազգային հավաքականից, սակայն եթե մի օր նրան առաջարկեն մարզչի պաշտոնը, նա կմտածի այդ մասին։

Ֆուտբոլիստը հիշել է, որ ժամանակին հորը՝ Ժան Ջորկաեֆին առաջարկել էին գլխավորել Հայաստանի հավաքականը, սակայն համագործակցությունն այդպես էլ չստացվեց։ «Հաճելի կլիներ, եթե ես մի օր զբաղեցնեի այդ պաշտոնը։ Դա հետաքրքիր արկած կլիներ»,- հայտարարել է Ջորկաեֆը, որի մայրը ազգությամբ հայ է։

Ինչպես հայտնում է «Ռեգնում»-ը, ֆուտբոլիստն այժմ ապրում է ԱՄՆ-ում և այնտեղ էլ ստեղծել է սեփական հիմնադրամը։ Կազմակերպությունը նրա անունն է կրում և ուղղված է բարդ տարածաշրջաներում ֆուտբոլի զարգացմանը։

Tert.am

Be the first to comment

Leave a Reply

Your email address will not be published.


*


4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4