Դիվանագիտական պատերազմ Մոսկվայի ու Վաշինգտոնի միջև

Ռուսաստանը տեղեկացրել է ԱՄՆ-ին, որ համաչափ արձագանք կտա ամերիկյան կողմին ի պատասխան նոր պատժամիջոցների ընդդեմ Ռուսաստանի: Այս մասին, ըստ «Ամերիկայի ձայնի»՝ հայտարարել է Ռուսաստանի արտաքին գործերի նախարարությունն այն բանից հետ, երբ ԱՄՆ-ի Սենատը քվեարկել է հօգուտ նոր պատժամիջոցների սահմանմանը: Դրա արդյունքում ԱՄՆ-ի նախագահ Դոնալդ Թրամփը հայտնվել է դժվարին կացության մեջ՝ ստիպված լինելով կամ կոշտացնելու իր դիրքորոշումը Մոսկվայի նկատմամբ կամ արգելափակելու օրինագիծը՝ այդպիսով դուրս գալով ընդդեմ իր իսկ կուսակցության:
Ռուսաստանի նախագահ Վլադիմիր Պուտինը իր հերթին հայտարարել է, որ Ռուսաստանը կարձագանքի ամերիկյան կողմի անպատասխանատու վարքագծին: Երկու երկրների միջև հարաբերությունները շարունակում են մնալ չափազանց լարված:
Ռուսաստանի արտգործնախարարությունը պահանջել է ամերիկյան կողմից մինչև սեպտեմբերի 1-ը նվազեցնել իր դիվանագիտական անձնակազմի թիվը Ռուսաստանում մինչև 455 աշխատակցի: Ճիշտ այդքան ռուս դիվանագետներ են մնացել ԱՄՆ-ում Ռուսաստանի դեսպանության կազմում, այն բանից հետո, երբ ամերիկյան կողմը դեկտեմբերին երկրից հեռացրեց 35 ռուս աշխատակցի: Այս պահին դեռևս հստակ չէ, թե քանի ամերիկացի դիվանագետներ կլքեն Ռուսաստանը:
Իր տարածած հայտարարության մեջ արտաքին գերատեսչությունը Կոնգրեսի որոշումը նոր պատժամիջոցների մասին որակել է որպես Միացյալ Նահանգների կողմից չափից դուրս սուր:
Մոսկվայում ԱՄՆ-ի դեսպանության անանուն աղբյուրը տեղեկացրել է, որ ամերիկյան դիվանագիտական անձնակազմն ունի 1100 աշխատակիցներ ներառյալ Ռուսաստանի քաղաքացիների: Ամերիկացի դիվանագետների թիվը հասնում է 300-ի:
Ռուսական կողմը տեղեկացրել է նաև, որ բռնագրավելու է ամերիկյան կողմին պատկանող որոշ ունեցվածք, ներառյալ ամառանոցն ու դեսպանության պահեստը:
Նախկին նախագահ Օբամայի օրոք ամերիկյան կողմը ռուսական կողմից բռնագրավել էր 2 կառույցներ, ինչպես նաև հեռացրել էր մի շարք դիվանագետների: Ռուսական կողմը նախազգուշացրել էր, որ այն նման կերպով կարձագանքի, եթե որևէ ռուս դիվանագետ հեռացվի երկրից:

168.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,