ԵԱՏՄ և Իրանի միջև հնարավոր է ստորագրվի ազատ առևտրային գոտու համաձայնագիր

ԵԱՏՄ և Իրանի Իսլամական հանրապետության միջև մինչև այս տարվա վերջ հնարավոր է ստորագրվի ժամանակավոր համաձայնագիր՝ ազատ առևտրային գոտի ստեղծելու վերաբերյալ:

Այս մասին նշված է Եվրասիական տնտեսական հանձնաժողովի պաշտոնական կայքում: Քննարկումները սկսվել են դեռևս հունիսի սկզբին՝ Սանկտ-Պետերբուրգում:

Համաձայնագրի բանակցություններին մասնակցել են Եվրասիական տնտեսական հանձնաժողովի առևտրի գծով խորհրդի անդամ Վեռոնիկա Նիկիշինան և Իրանի հաղորդակցության և տեղեկատվական տեխնոլոգիաների նախարար Մահմուդ Վաեզին: Վերջինս հաստատել է Իրանի պատրաստակամությունը՝ գործընթացն իր ավարտին հասցնելու համար:

Ազատ առևտրային գոտու վերաբերյալ ժամանակավոր համաձայնագիրը չի վերաբերում առևտրաշրջանառությանն ամբողջությամբ: Այն  վերաբերում է այն ապրանքներին, որոնք երկու կողմերի համար առավել մեծ հետաքրքրություն են ներկայացնում:

Փորձագետների գնահատմամբ՝ ԵԱՏՄ և Իրանի միջև ազատ առևտուրը կնպաստի արտահանման ծավալների 73 % մեծացմանը, իսկ րջանառվող ապրանքների գերակշիռ մասն էլ բաժին կհասնի ոչ գյուղատնտեսական ապրանքներին, ինչպիսիք են՝ դեղամիջոցները, թուղթը, հագուստը, պողպատե արտադրանքը, տարբեր տեսակի մեխանիկական և էլեկտրական սարքավորումները, տրանսպորտային միջոցները և այլն :

Նշենք, որ ԵԱՏՄ անդամ երկրներներից այժմ Իրան են արտահանում ցորեն, գարի, եգիպտացորեն, բուսական յուղ, պողպատե արտադրանքներ, բեռնատարներ, փայտանյութ և թուղթ: Հայաստանից Իրան արտահանվում է հիմնականում էլեկտրաէներգիա:

Տաթև Խաչատրյան

hetq.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,