Պատրիարքական տեղապահ Բեքչյանը Ստամբուլում է. նրա պատվին Գումգափուի եկեղեցում Հրաշափառի արարողություն է տեղի ունեցել

Պոլսո Հայոց պատրիարքական տեղապահ Գարեգին արքեպիսկոպոս Բեքչյանը հունիսի 1-ին ժամանել է Ստամբուլ: Ստամբուլի հայկական «Լույս» պարբերականը հայտնում է, որ Բեքչյանի պատվին Գումգափուի Սուրբ Մարիամ Աստվածածին եկեղեցում Հրաշափառի արարողություն է տեղի ունեցել:

Բեքչյանը եկեղեցական արարողության ժամանակ ելույթ է ունեցել՝ ասելով, որ պատրիարքական ընտրության գործընթացը կղեկավարի բարեկամության ու եղբայրության շրջանակում:

Արարողությանը ներկա է եղել պատրիարքական փոխանորդի պաշտոնից հրաժարված Արամ արքեպիսկոպոս Աթեշյանը, ով նշել է, թե փորձել է առավելագույնս վերահսկել իրադրությունը:

Բոլոր ներկաները միասին աղոթել են պատրիարքական ընտրությունների անցկացման համար: Տեղապահ Բեքչյանը բոլորին շնորհակալություն է հայտնել այս գործընթացում իր հանդեպ ցուցաբերված հետաքրքրության համար:

Ի թիվս այլ հոգևորականների՝ արարողությանը մասնակցել է նաև Թուրքիայի կաթոլիկ հայ համայնքի հոգևոր առաջնորդ Լևոն արքեպիսկոպոս Զեքիյանը:

1in.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,