January 24, 2021

Love Parade փառատոնում հրմշտոցի հետևանքով 15 մարդ է մահացել

Գերմանիայի Դույսբուրգ քաղաքում ողբերգությամբ է ավարտվել Love Parade փառատոնը: Associated Press-ը հաղորդում է, որ փառատոնի ժամանակ առաջացած հրմշտոցի հետևանքով առնվազն տասնհինգ մարդ է զոհվել, մի քանի տասնյակ մարդ տարբեր աստիճանի վնասվածքներ է ստացել:

Հայտնի է, որ աշխարհի խոշորագույն էլեկտրոնային երաժշտական փառատոնի մասնակիցների շրջանում հրմշտոցը սկսվել է խուճապի պատճառով, բայց թե ինչն էր խուճապ առաջացրել, առայժմ պարզ չէ:

Հրմշտոցը սկսվել է թունելում, երբ ոստիկանները փորձել են կասեցնել մարդկանց հոսքը Love Parade-ի տարածք:
Չնայած տեղի ունեցած ողբերգությանը, փառատոնը չի ընդհատվել: Տեղական լրատվամիջոցները հաղորդում են, որ փառատոնին մասնակցելու համար գերմանական քաղաքում հավաքվել է մոտ մեկուկես միլիոն մարդ: Նրանց մեծ մասը նույնիսկ տեղյակ չէ կատարվածի մասին:

Tert.am

Be the first to comment

Leave a Reply

Your email address will not be published.


*


4/AAB0Q2qi2hC5WMFScWsapOW0d1ypdvjHSDFgUciTQjW7ImoDTCNLGO4