ՀՆՉԱԿՅԱՆ ՀԵՐՈՍՆԵՐԻ ՄԱՀՎԱՆ 95-ԱՄՅԱԿԸ

Սոցիալ Դեմոկրատ Հնչակյան Կուսակցության Քեոսթենճեի 6-րդ համագումարում  ՍԴՀԿ-ն որոշում ընդունեց հայ ժողովրդի դեմ գործած բազմաթիվ ոճիրների և ցեղասպանություն ծրագրելու համար մահվան դատապարտել Օսմանյան Թուրքիայի երիտթուրք ղեկավարներին` Թալեաթին, Ջեմալին և Էնվերին: Մահապատժի իրականացումն իր վրա վերցրեց  ՍԴՀԿ Թուրքիայի Գործադիր Հանձնախմբի ատենապետ Փարամազը (Մաթևոս Սարգսյան): Երիտթուրքական գաղտնի ծառայության գործակալներից մեկը, սակայն, մատնեց անձնազոհ հայորդիներին,  և Պոլսում գտնվող Հնչակյան  Քսան Ղեկավարները ձերբակալվեցին ու 1915 թ-ի հունիսի 15-ին Կ. Պոլսի «Սուլթան Բայազետ» հրապարակում կախաղան բարձրացվեցին:
 
Այս տարի Հնչակյան Հերոսների մահվան 95-րդ տարելիցն է:
 
Այդ կապակցությամբ  Սոցիալ Դեմոկրատ Հնչակյան Կուսակցության «Սարգիս Տխրունի» ուսանողական-երիտասարդական միությունը կազմակերպել է հիշատակի  հետևյալ միջոցառումները:
 
Երկուշաբթի` հունիսի 14-ին, երեկոյան ժամը 21:00-ին, Ծիծեռնակաբերդի անմար կրակի մոտ տեղի կունենա մոմավառության արարողություն, որին կհետևի դասախոսություն:
 
Երեքշաբթի` հունիսի 15-ին` ժամը 13:00-ին, Երևանի «Կոնգրես» հյուրանոցում տեղի կունենա «Քսաններ-քաղաքական դասեր» թեմայով կլոր սեղան-քննարկում: Բանախոսներ` Մանուել Ադամեան ( Լոնդոն), Գրիգոր Ջանիկյան (գրող-հրապարակախոս), Մանուկ Ստեփանյան( պատմական գիտությունների թեկնածու):
 
Երեքշաբթի` հունիսի 15-ին, ժամը 16 :00-ին, Ծիծեռնակաբերդում Հնչակյան «Սարգիս Տխրունի» ուսանողական-երիտասարդական միության անդամները, հյուրերն ու բանախոսները Ի Հիշատակ Քսան Կախաղանների, կտնկեն եղևնի:
 
Սոցիալ Դեմոկրատ Հնչակյան Կուսակցության «Սարգիս Տխրունի» ուսանողական-երիտասարդական միության  մամլո դիվան

lragir.am

photo by  wikipedia.org