Քարոզարշավի ընթացքում ամենաշատ գումար ծախսել է Հայաստանի հանրապետական կուսակցությունը։

Քարոզարշավի ընթացքում ամենաշատ գումար ծախսել է Հայաստանի հանրապետական կուսակցությունը։ Կենտրոնական ընտրական հանձնաժողովի Վերահսկիչ-վերստուգիչ ծառայությունն այսօր ներկայացրեց կուսակցությունների նախընտրական ծախսերի մասին տվյալները։
Ըստ այդմ, ՀՀԿ-ն արդեն ծախսել է նախընտրական հիմնադրամ մուտքագրած ավելի քան 98 միլիոն դրամից 77 միլիոն 706 հազարը։

Նշենք, որ Ընտրական օրենսգիրքը թույլ է տալիս կուսակցական հիմնադրամներին ունենալ առավելագույնը 100 հազար դրամ։ Այսպիսով, ՀՀԿ-ն համարյա օգտագործել է օրենսդրության սահմանած հնարավորությունը։ Հանրապետականին այս առումով հաջորդում է խորհրդարանում ամենափոքրաթիվ ներկայությունն ունեցող «Ժառանգություն»-ը,որն արդեն 66 մլն դրամ է ծախսել հիմնադրամ մուտքարված 79 միլիոնից։

Ի դեպ, Ընտրական օրենսգրքի համաձայն՝ կուսակցական հիմնադրամների միջոցները կարող են օգտագործվել լրատվամիջոցներով նախընտրական քարոզչություն իրականացնելու, տարածքներ վարձակալելու, պաստառներ, տպագիր եւ այլ նյութեր պատրաստելու եւ այլ ապրանքների ու ծառայությունների համար։

«Բարգավաճ Հայաստան» կուսակցությունը, որն իր նախընտրակայն քարոզչության մեջ հիմնականում օգտագործում է կուսակցության առաջնորդի անունը կրող բարեգործական հիմնադրամի միջոցները, քարոզչության քսան օրերի ընթացքում ծախսել է շուրջ 53 միլիոն դրամ։

Մնացած կուսակցություններից Հայ հեղափոխականդԴաշնակցությունը ծախսել է 40 միլիոն, «Օրինաց երկիրը»՝ 31, իսկ Հայ ազգային Կոնգրեսն ընդամենը 10 միլիոն դրամ։ Հայաստանի կոմկուսը իր տրամադրության տակ գտնվող 2 մլն 300 հազար դրամից ծախսել է 1 մլն 300 հազարը, «Միավորված հայերը»՝ 1 միլիոն դրամից 992 հազարը։

Նախընտրական հիմնադրամում ամենահամեստ միջոցներն ունի Հայաստանի դեմոկրատական կուսակցությունը՝ 455 հազար դրամ,որից ծախսել է 305 հազարը։

a1plus.am

Be the first to comment

Leave a Reply

Your email address will not be published.


*


Add video comment
Բոլոր իրավունքները պաշտպանված են: Մեջբերումներ անելիս հղումը www.aaeurop.com-ին պարտադիր է: Կայքի հոդվածների մասնակի կամ ամբողջական արտատպումը, տարածումը, կամ հեռուստառադիոընթերցումն առանց www.aaeurop-ին հղման արգելվում է:Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Կայքը պատասխանատվություն է կրում միայն «Եվրոպայի Հայերի Համագումարի » ի ստորագրությամբ նութերի, կարծիքների եւ դիրքորոշումների համար: All Rights Reserved,